مەسرور بارزانی دێ بەشداريێ ل کۆنفرانسێ وزێ ل واشنتن کەت

ناڤه‌ندا نوچه‌یان-سه‌ما
ب بەشداریا سەرۆکێ حکومەت و وەزیرێ وزەیا ئەمەریکا کۆنفرانسی وزێ ل واشنتن دێ ب ڕێڤەچت.

ئيڕۆ پێنج شەمبوويێ، 22ی ئه‌یارا 2025، ل ده‌مژمێر 8:30ی سبێ ب ده‌مێ واشنتنێ و 3:30 پشتى نیڤڕۆ ب ده‌مێ هەولێرێ، ب ئامادەبوون و بەشداریا مەسرور بارزانی سەرۆکێ حکومەتا هەرێما کوردستانێ و کریستۆفەر ڕایت، وەزیرێ وزەیا ئەمریکا، دێ کۆنفرانسێ وزێ ل واشنتنێ ب ڕێڤه‌چت.

د کۆنفرانسى دا، کو ئەنستیتیوتا جیهانی ئەلمۆنیتۆر ڕێكى به‌حسكريه‌، سەرۆکێ حکومەتێ و وەزیرێ وزەیا ئەمریکا، ل دوو په‌نه‌لێن تایبەتدا، دێ باس ل داهاتوویێ وزێ ل هەرێما کوردستانێ و عێراقێ و پەیوەندییەکانی هەرێما کوردستانێ و ئەمریکا کەن.

ئێڤارييا ڕۆژا دووشەمبوويێ، 19-05-2025، ب سەرپەرشتیا سەرۆک وەزیران مەسرور بارزانی، د ڕێوڕەسمه‌کێ دا دوو ڕێککەفتننامەیێن بياڤێ وزێ، ل ناڤبه‌را وەزارەتا سامانێن سروشتی يا حکومەتا هەرێما کوردستانێ و هەردوو کۆمپانیێن پترۆلا ئەمریکی (ئێچ کەی ئێن ئێنێرجی) و (وێستێرن زاگرۆس) هاتنه‌ ئیمزاکرن.

دڤى ده‌رباره‌ى دا، ستیف لوتس، جێگری سەرۆکێ ژۆرا بازرگانی يا ئەمریکا، پشتى پیرۆزباهیێ، گۆت: مەسرور بارزانی پەیوەندییێن هەرێمی کوردستان و ئەمریکا بهێزتر و فراوانتر کرینە. پەیوەندییەکا زۆر باش و بهێز ل گەڵ مەسرور بارزانی، سەرۆک وەزیرێن هەرێما کوردستانێ هەیە، هەمان وەختی سەرکردایەتیا سەرۆک وەزیران، پەیوەندییێن بازرگانی باشتر کرینه‌.

ستیف لوتس باس ل وێ چه‌ندێ کر “سەرۆک وەزیرێن هەرێما کوردستانێ، ڕۆڵی سەرکردایەتیی باش و حەکیمانە گێڕايە، هەروەسا پێشتر ژى ب شانده‌كێ بهێز سەره‌دانا واشنتنێ کريە، ئەڤه‌ ژى پەیوەندیێن هەرێما کوردستانێ و ئەمریکا بهێزتر كرينە.”