سه‌ما
هەڵبژارتيێ پورتوگال بۆ جارا دوويێ د ديرۆكا خۆ دا بوو قه‌هره‌مانێ نەیشنسلیگ.
د یاریا داويێ يا نەیشنزلیگ ئیسپانیا و پورتوگال ل یاریگه‌ها ئالیانز ئەرینا ڕووبەڕووى ئێكتربوون.
ل نيڤا ئێكێ و د خۆلەکا 21 مارتن زووبیمێندی گۆڵا ئێكێ يا ئیسپانیا تۆمارکر و ل خۆلەکا 26 نونو مێندێز گۆڵا وه‌كهه‌ڤيێ بۆ پورتوگال تۆمارکر و یاری ڤه‌گەڕانده خاڵا ده‌ستپێكێ.پاشى و ل خۆلەکا 45 ئۆریازاباڵ گۆڵا دووێ تۆمارکر.
دئەنجامدا نيڤا ئێكێ ب دووگۆڵان بەرامبەر ب گۆڵه‌كێ دبەرژەوەندیا ئیسپانیا دا ب داوى هات.
نيڤا دووێ ژ یاریێ ب هەمان شێوه دەستپێکر و ل خۆلەکا 61 کریستیانۆ رۆناڵدۆ كارى گۆڵا وه‌كهه‌ڤيێ تۆمار بکه‌ت.
ده‌مێ ئاسایی ب دوو گۆڵان بەرامبەر ب دوو گۆڵان داوى هات و بۆ ئێكلاكرنا یاریێ پەنابرنه دوو ده‌مێن زێده‌كرى و ل ڤان هه‌ردوو گێمان دا چ لایەکى نكارى گۆڵێ تۆمار بکەن.
ل داويێ دادڤانى ب نه‌چاری پەنابره بەر لێدانێن په‌نه‌لتيان و دئەنجامدا پورتوگال كارى ب ئەنجامێ پێنج گۆڵان بەرامبەر ب چار گۆڵان، یاریێ ببه‌ت و بۆ جارا دووێ د ديرۆكا خۆ دا بوو قه‌هره‌مانا نەیشنزلیگ.