ناڤه‌ندا نووچه‌يان – سه‌ما
کۆمیسیۆنا بلندا سه‌ربه‌خۆيا هه‌لبژارتنان، چاوانيا ده‌نگدانا ئاواره‌يان و ده‌نگده‌رێن شنگالێ دياركر، دبێژت: پتر ژ 33هه‌زار ئاواره‌يان كارتا خۆ يا بايۆمه‌ترى نووكريه.
جومانە غەلای، په‌یڤدارا کۆمیسیۆنا بلند یا سەربەخۆیا هه‌لبژارتنێن عیراقێ ڕاگه‌هاند: لدووڤ ياسايا هه‌لبژارتنان ژماره 12يا سالا 2018يا ڕاستڤه‌كرى، ئاواره ده‌نگێ خۆ دده‌ن و گۆت: ” وه‌زاره‌تێن كۆچ و كۆچبه‌ران و بازرگانى ژمارا ئاواره‌يان ده‌نه كۆميسيۆنێ.”
په‌یڤدارا کۆمیسیۆنا سەربەخۆیا هه‌لبژارتنێن عیراقێ دبێژت: هه‌تا نوكه 33 هه‌زار ئاوارەیان کارتا دەنگدانێ نوو کریه و ئاواره‌یێن شنگالێ دكارن دناڤ یان ژ ده‌رڤه‌ى كه‌مپان ده‌نگێن خۆ بده‌ن، ل دووڤ یاسایا هه‌لبژارتنان ئاواره‌یێن دى دڤێت دناڤ كه‌مپان ده‌نگێن خۆ بده‌ن.
دووپات ل وێ چه‌ندێ كر، كۆميسيۆن ل سه‌ر كارێ خۆ ل ناڤا كه‌مپان يا به‌رده‌وامه ژبۆ نووكرنا كارتا ئاواره‌يان.
لدووڤ كۆميسيۆنێ پرۆسه‌يا ئه‌نجامدانا هه‌لبژارتنێن په‌رله‌مانێ عيراقێ ل هه‌يڤا يازده يا ئيساله دێ ب ڕێڤه‌چت.