ناڤه‌ندا نووچه‌يان – سه‌ما
قۆناغا قێركرنا پرۆژێ جاددا كۆمه‌ڵگه‌ها شاريا بۆ دهۆكێ ده‌ستپێكرييه، هه‌تا نوكه 83%كار ل سه‌ر پرۆژه‌ى هاتيه كرن و د ده‌مه‌كێ نێزیك دا دێ كه‌فته دخزمه‌تا گشتی یا وه‌لاتیاندا.
ئيڕۆ سێ شه‌مبوويێ، 10ـی حوزه‌یرانا 2025، ڕاگه‌هاندنا پارێزگه‌ها دهۆكێ دياركر، پرۆژێ چێكرنا جادا ژ مفره‌قا زاوا بۆ كۆمه‌ڵگه‌ها شاریا ب درێژاهیا ٦كم و ب كوژمێ پتر ژ ٢ملیار دیناران د قۆناغا قێركرنێ دایه.
ديار ژى كريه، پتری ٨٣% كار ل سه‌ر پرۆژه‌ى هاتیه‌كرن و د ده‌مه‌كێ نێزیك دا دێ كه‌فته دخزمه‌تا گشتی یا وه‌لاتیاندا.
گرنگیدان ب پرۆژێن خزمه‌تگوزارى ئه‌وێن ل سنورێ ده‌ڤه‌رداریا سێمێلێ دئێنه ئه‌نجامدان، ل ڕێككه‌فتى 20ى ته‌باخا 2024، “د.عه‌لى ته‌ته‌ر “پارێزگارێ دهۆكێ به‌رێ بنیاتى بۆ ڕێيا سه‌ره‌كى یا كۆمه‌ڵگه‌ها شاریا بۆ دهۆكێ دانا.
ل هه‌مان مه‌هدا ده‌ست ب قۆناغا ئێكێ يا چێكرنا پرۆژێ ڕێيا شاريا بۆ دهۆكێ هاته كرن.
د چارچووڤێ گرنگيدانا حكومەتا هەرێما كوردستانێ، بۆ ناحیە و گوندان، ئەڤ پرۆژێن خزمەتگۆزارى دئێنه ئه‌نجامدان.
د كابینەیا نه‌هێ دا، ڕێزدار (مەسرور بارزانی) سەرۆكی حكومەتا هەرێما كوردستانێ، ڕاگەهاند: سیاسەتا مە دێ وه‌سا بت، كو ب تنێ گرنگيێ ب سەنتەرێ باژێران ناده‌ين، بەڵكو گرنگييه‌كا زێده‌تر ب قەزا و ناحیە و گوندان دێ دەین.
كۆمه‌ڵگه‌ها شاريا سه‌ر ب قه‌زا سێمێلێ يه ل پارێزگه‌ها دهۆكێ، ژ هه‌شت گوندان پێك دئێت و ئاكنجيێن وێ هه‌موو ئێزدينه.