ناڤهندا نووچهيان – سهما
كۆڤان جهميل، ياريزانهكێ ئێزدى يه، د چهندين قارهمانيێن ياريا بوكسينكێ دا ل وهڵاتێ ئهلمانيا سهركهفتن ل سهر ههڤركێن خۆ تۆماركريه و ئاستهكێ بلند پێشكێش دكهت.
كۆڤان جهميل قائيدى تەمەن 26 ساڵه، خەڵكێ گوندێ داكايه سهر ب كۆمهڵگهها بابيرێ ل ناحيا ئهلقوش، ل ساڵا 2017ل وهڵاتێ ئهلمانيا قهستكريه جيهانا بوكسينكێ.
دهربارهى بهشداريێن خۆ د ياريا بوكسينكێ بۆ سهما گۆت: ئهڤه ماوێ پێنج ساڵانه ياريا بوكسينكێ دكهم و ل باژێرێ ولم ل ئهلمانيا پترى 20 جاران بهشدارى د قارهمانيان دا كريه و ل پتريا وان بسهر ههڤركێن خۆ دماوێ چهند خۆلهكێن كێم دا سهركهفتيمه.
ناڤبرى دا زانين، هيڤيا من ئهوه بكارم ل داهاتى بهشدارى قارهمانيێن ناڤخۆيى ل سهر ئاستێ ئهلمانيا و جيهانێ ببم و ناڤێ وهڵاتێ خۆ كوردستانێ بهرز ڕاگرم.