ناڤهندا نووچهيان – سهما
شاندهكێ نڤيسينگهها سهرۆكێ حكومهتا ههرێما كوردستانێ و بنگههێ لالش ل دهۆكێ سهرهدانا بابێ شێخێ ئێزدييان كرن.
ئيڕۆ پێنج شهمبوويێ، 19-6-2025، د.كاروان محهمهد سابير، ژ نڤيسينگهها ڕێزدار (مهسرور بارزانى) سهرۆكێ حكومهتا ههرێما كوردستانێ دگهل سەرۆك، جێگر، دەستەیا بڵندا بنگههێ لالش، ڕێڤهبهرێ گشتييێ كاروبارێن ئێزديان و سهرۆكێ باژێرڤانيا شێخان، سهرهدانا بابێ شێخێ ئێزدييان ل كۆمهڵگهها شێخكا ل ناحيا ئهلقوش كرن.
د سهرهدانێ دا، شاندى ب گرنگی ڤە ڕەوشا ساخلەمیا بابێ شێخێ ئێزدييان”شێخ عەلی شێخ ئەلیاس” پرسی و هیڤیا ساخ و سەلامەتیێ بۆ خواست و زێدەباری گرنگ وەسفكرنا پێگەهێ بابە شێخی ژ ئالیێ جڤاكی و ئۆلی ڤە پشتەڤانیا خۆ بۆ هەر پێدڤیەكێ نیشاندان.
ل 4ـی نيسانا 2025، ڕهوشا ساخلهميا بابێ شێخ تێكچوو و بۆ نهخۆشخانهكا تايبهت ل دهۆكێ هاته ڤهگوهاستن و بۆ ماوێ چهند ڕۆژان ل نهخۆشخانێ چارهسهرى ژلايێ نۆژداران ڤه بۆ هاته كرن.
پشتى بابێ شێخ ژ نهخۆشخانێ دهركهفتى ڕهوشا وى بهرهف باشبوونێ ڤه چوو، پاشان بۆ پتر پشت ڕاستبوون و بێهنڤهدانێ قهستا وهڵاتێ ئهلمانيا كر.
بابێ شێخ نوكه وكار و ئهركێن خۆ يێن ئۆلى يێن ڕۆژانه وهكى بهرێ دكهت و رهوشا وى باشبوويه.
