ناڤهندا نووچهيان – سهما
سەرۆکێ حکومەتا هەرێما کوردستانێ مەسرور بارزانی بەهینامەیەکێ ئاراستەی میرێ ئێزدیان دکەت.
پێنج شەمبوویێ، 19ـی حوزەیرانا 2025، مەسرور بارزانی، سەرۆکێ حکومەتا هەرێما کوردستانێ ژبۆ وەغەرا دویماهیێ يا میر جوقی عەلی بەگ، کەسایەتیێ بەرنیاسێ ئێزدیان، سەرەخۆشی ل مالباتا وی یا بەرێز و بەڕێزان میر حازم تەحسین بەگ میرێ ئێزدییان و میر جەهوەر عەلی بەگ وەکیلێ میری كر و هەڤخهميا خۆ بۆ وهغهرا مير جۆقى ڕاگههاند و داخواز ژ خودایێ مەزن كر، گیانێ وی ب بەهەشتێ شاد بکەت و سەبر و هەدارێ بدهته ماڵباتا وى.
دەقێ بەهینامەیا مەسرور بارزانی سەرۆکێ حکومەتا هەرێما کوردستانێ:
ژبۆ وەغەرا دویماهیێ یا کەسایەتیێ بەرنیاسێ ئێزدییان (میر جوقی عەلی بەگ)، بەهی و سەرەخۆشیێ ل مالباتا وی یا بەرێز و بەڕێزان میر حازم تەحسین بەگ میرێ ئێزدییان و میر جەهوەر عەلی بەگ وەکیلێ میری دکەم و هەڤپشکێ خەما وانم.
خودایێ مەزن گیانێ وی ب بەهەشتێ شاد بکەت و سەبر و هەدارێ ب هەوە ببەخشیت.
مەسرور بارزانی
سەرۆکێ حکومەتا هەرێما کوردستانێ
2025/6/19