ناڤهندا نووچهيان – سهما
وەزارەتا ناڤخۆیا حكومهتا هەرێما کوردستانێ د ڕاگههاندنهكێ دا دهنگۆیهك ڕهتكر کو دبێژت: ل شەڤا پێنج شهمبوويا بۆرى ل هەولێرێ ب درۆنان هێرش کريە سەر بنگهههكێ سەر ب ئیسرائیلێ.
ئينيێ، 4ـی تهممووزا 2025، وەزارەتا ناڤخۆیا حكومهتا هەرێما کوردستانێ ڕاگههاند، ل چەند میدیایەکێن ئەلکترۆنی یێن فەرمی یێن ئیرانێ، وەسا هاتییە بەلاڤکرن كو شەڤا پێنج شهمبوويێ 3-6-2025 ل هەولێرێ ب دڕۆنان هێرشی سەر بنگەهەکێ ئسرائیلێ هاتییەکرن.
وەزارەتا ناڤخۆ دبێژت: هەموو ئەو نووچەیە زێدەگاڤینە و دوورن ژ ڕاستییێ، نە بنگەهێن ئسرائیلێ ل کوردستانێ هەنە، نە ئۆپەراسیۆنێن وەسا ژی هاتینە ئەنجامدان.
ههروهسا گۆت: ل شەڤا پێنج شهمبوويێ دڕۆنەك ل چەند دەڤەرەکێن چۆلەوانی نیزیک هەولێرێ کەڤتینە خوارێ، ئەڤ هێرشە ژی ژ لایێ هندەك گرۆپێن سەر ب حەشدا شەعبی، ب مەرەما دروستکرنا ئالۆزییان دهێنەئەنجامدان، پێدڤییە ئالییێن پەیوەندیدار، حکومەتا فیدراڵی سنوورەکێ بۆ ئەڤی کارێ تێکدەرانە دانن و ڕێکارێن یاسای بەرامبەر تاوانباران بگرنە بەر.