سهما
یانەیا دهۆک يا تهپاپێ بەیاننامەیەک ل دۆر ڕوودانێن یارییا داوییێ ل گەڵ یانەیا زاخۆ بەلاڤکر.
دەقێ بەیانا یانەیا دهۆک ل دۆر یارییا داویێ:
ئامادهبوونا پتری 30 هزار پشتهڤانان كو رێیا 500 كیلومهتران بریبوو ،جوانییهكا تایبهت دا ياريێ.
بلندییا پلەیێن گهرمێ و نهبوونا ئاڤا ڤهخوارنێ بۆ ئەگەرێ هندێ كو پشتهڤان داخواز بکەن بچنە دهرڤهی یاریگههێ بۆ ئینانا ئاڤێ، لێ هێزێن پاراستنا یاریگههێ بوونه رێگر و ئهڤ یهكه ژی بۆ ئهگهرێ دروستبوونا چهند ڕویدانان.
ئهفسهرهكێ هێزێن ئێمناهیێ چارهسهركهرێ مه (نهبی كهرهڤان ) گرت و ئاخفتنێن نهشرین و كرێت گۆتنێ و پتری جارهكێ پێن لێداینه.
بمخابنی ڤه، سهرباری بدهستڤهئینانا ههردوو كۆپێن كهنداڤی و عیراقێ، هندهك ژ میدیاكار و ڕاگههاندكاران و كهسێن سوشیالێ تنێ كێماسی دیاركرینه.
كارگێرییا یانهیا دهۆك ڕێسایێن خۆ یێن تایبهت یێن سزادانێ دهرحهقێ یاریكهر وكارگێران ههنه دهمێ ژ ڕهوشتێ وهرزشی دووردكهڤن و دۆپاتدكهین ئهم ب چ ڕهنگان ڕهفتارێن كرێت ژ چ ئهندامێن خۆ قهبویل ناكهین.