سهما
ئەو کەسێن ب ئەگەرێ ژ دەستدانا خۆشتڤی یان هەڤبەشێ ژیانا خۆ تووشی خەم و بێزارییەکا توند دبن، ئەگەرێ مرنا وان زێدەترە.
ڕۆژنامەیا ئیندیپیندێنتا بریتانی بەلاڤ کریە، زانایێن دانیمارکی د ڤەکۆلینەکا نوو دا ئاشکرا کریە، 1735 ژن و زەلام کو تێکڕایا تەمەنێ وان 62 سال بوو، ژ سالا 2012ێ ڤە هاتینە ژێر چاڤدێریێ و ب بەردەوامی سەرنج ل ئەزموون و بارێ دەروونیێ وان هاتیە دان ژ بۆ کو بهێتە زانین د چ ئاستەکێ خەمباریێ دانە.
ئاماژە ب وێ چەندێ هاتیە کرن، وێ گرووپی ژ 66%ێ وان هەڤبەشێن ژیانا خۆ ژ دەست دابوون، ژ 27%ێ وان دایک و باب و ژ 7%ێ ژی دوماهی ب پەیوەندیەکا حەژێکرنێ ئینابوو.
ئەنجامێن ڤەکۆلینێ دیار کریە، ژ 6%ێ وان کەسێن کو ب بەردەوامی د خەم و بێزاریێ دابوون، ئەگەرێ مرنا وان د ماوێ 10 سالان دا ب ڕێژەیا 88% زێدەترە بەراورد ب ژ 37%ێ وان کەسێن کو ئاماژە ب وێ چەندێ کریە کو نیشانێن خەمباریا توند ل سەر وان کێمتر بووینە.