ناڤهندا نووچهيان – سهما
بڕياره ل ههيڤا بێت گهڕهكا دى يا ڕووفاتێن قوربانيێن ئێزدى ل سهر دهستێ داعشێ، ل بهغدايێ بۆ شنگالێ بێنه ڤهگهڕاندن.
پێنج شەمبوويێ 10ـی تەممووزا 2025، نايف جاسو، موختارێ گوندێ كۆچۆ بۆ سهما ڕاگههاند: ژلايێ پزيشكا داد ل بهغدايێ هاتينه ئاگههداركرن ل ههيڤا بێت گهڕا ههشتێ يا ڕووفاتێن قوربانيێن ئێزدى دێ بۆ شنگالێ ئێنه ڤهگهڕاندن و هێشتا چ ڕۆژ بۆ گههشتنا ڕووفاتان ديارنهكرينه.
دبێژت: دڤێ گهڕێ دا 22ڕووفات دێ ڕادهستى كهسوكارێن وان ئێنه كرن و ل ههموو ل سهر دهستێ تيرۆرستێن داعشێ هاتينه كوشتن، ل دهمێ دهست بسهر شنگالێ دا گرتى و 12ڕووفات يێن خهڵكێ گوندێ كۆچۆنه و يێن دى دهڤهرێن جودايێن شنگالێ نه.
ل 3ى تهباخا 2014، تيرۆرستێن داعشێ هێرشى قهزا شنگالێ كر، دوێ هێرشێ دا زێدهترى ههزار كهسان هاتنه كوشتن و 6ههزار 417 كچ و ژن و زهلام و زارۆكێن ئێزدى هاتنه ڕهڤاندن، هێشتا زێدهترى 3ههزار ڕهڤانديان بێسهروشوونن.