ناڤەندا نووچەیان – سەما
بارەگههێ بارزانی ڕاگەهاند: لایەن، کەسایەتییێن سیاسی و حکومەتا عیراقا فیدرال بۆ چارەسەرکرنا ئەوێ پرسێ سۆزدايه د چەند ڕۆژێن داهاتیدا پرسا هنارتنا مووچەى و شایستەیێن دارايی یێن هەرێما کوردستانێ چارەسەر بكهن.
شەمبوويێ 12ـی تەممووزا 2025، بارەگههێ بارزانی دهربارەی پرسا هنارتنا مووچەى و شایستەیێن دارايی یێن هەرێما کوردستانێ، ڕاگەهاندنهك بهڵاڤكر.
د ڕاگەهاندنێ دا هاتييە، گرێدای کێشەیێن د ناڤبەرا هەرێما کوردستانێ و حکومەتا عیراقا فیدرال، ل سەر ئێکلاکرنا پرسا مووچە و بودجە و شایستەیێن دارای یێن هەرێما کوردستانێ، ئەڤرۆ مەکتەبا سیاسییا پارتی بۆ وەرگرتنا هەلویستێ پێدڤی کۆم بوو.
بارەگههێ بارزانی ئاماژە ب وێ چهندێ دا، هەر ئيڕۆ د.فوئاد حسێن، پشتی گۆتوبێژان ل گەل لایەنێن سیاسی یێن عیراقێ ڤەگەڕیا کوردستانێ و ب مەکتەبا سیاسییا پارتی ڕاگەهاند کو ژ لایێ کەسایەتییێن سیاسی و حکومەتا عیراقا فیدرال بۆ چارەسەرکرنا ئەوێ پرسێ سۆزا ئەوێ چەندێ داینە کو د چەند ڕۆژێن داهاتیدا پرسا هنارتنا مووچە و شایستەیێن دارای یێن هەرێما کوردستانێ چاره بكهن.
بارهگههى ئاشكراكر، هەر ل سەر داخواز و سۆزا وان و پێناڤ بەردەوامبوونا گۆتوبێژەکا ئارام و بەرچاڤوەرگرتنا ڕەوش و بەرژەوەندییا گشتی مە پێ باش بوو دووماهی دەلیڤە ب حکومەتا عیراقا فیدرال ل بەغدا بدەین بۆ ئەوێ چەندێ ڕێیەکێ بۆ دووماهی هاتن ب ئەڤێ کێشەیێ ببینن.
تهكهز ل وێ چهندێ كر، هەموو دەمان مە باوەری ب ئەوێ چەندێ هەبوویە کو ئەگەر ڕێیا گۆتوبێژان هەبیت مە ژی پێ باشە ب لێکتێگەهشتن کێشەیان چارەسەر بکەین.