ناڤەندا نووچەیان – سەما
22 سالان بهرى نۆكه و د ڕۆژهكا وەكى ئيرۆدا، دوو خۆکوژان ل بارەگههێن لقێ دووێ پارتی دیموکراتی کوردستان و مەلبەندێ سێيێ ئێكهتى نیشتمانی کوردستان دا خۆ پهقاندن و ب سەدان كەس شەهید و برینداربوون.
ئيرۆ ئێك شەمبوويێ 1/2/2026، 22 سال ب سەر پهقينێن 1ى شووباتێ ل هەولێرێ دهربازبوون كو ل سالا 2004 و ههڤدهم ل گهل ئێكهم ڕۆژا جەژنا قوربانێ دا، ل دوو كريارێن تیرۆرستی دا، دوو خۆکوژان ل بارەگههێن لقێ دووێ پارتی دیموکراتی کوردستان و مەلبەندێ سێيێ ئێكهتى نیشتمانی کوردستان دا خۆ پهقاندن و زێدهتر ژ 100 كەسان شەهیدبوون و زێدهتر ژ 200 کەسێن دى برینداربوون.
ئەو ھێرش ژ ئالیێ 2 تیرۆرستێن گرۆپێن ئهنسارولئیسلام و ئهنسارولسونه یێن نێزیكی قاعیدە ڤە ھاتن کرن، تێدا 101 سەرکردە و پێشمەرگە و وەلاتیێن کوردستانێ شەھیدبوون و ب دەھان کەس ژی بریندار بوون.
ئەو شەھیدێن کوردستانێ بۆ پیرۆزکرنا جەژنا قوربانی ل ھەردو بارەگەھێن پارتی و ئێکەتی پێشوازی ل وەلاتییان دکر، دوژمنێن گەلێ کوردستانێ ژی بێ ل بەرچاڤگرتنا چو بەھایێن ئۆلی و مرۆڤاتی ل وێ جەژنا پیرۆز، ئەو 2 ھێرشێن تیرۆرستی کرن.