ناڤهندا نووچهیان – سهما
ميرێ ئێزديان ل گەڵ مایکل ڕیگاس، جێگرێ وەزیرێ دەرڤەيێ ئەمریکا كۆمبوو و ڕهوشا ئێزديان بهحسكرن.
ڕاگههاندنا نڤيسينگهها جڤاتا ڕۆحانى يا بڵند يا ئێزديان بهڵاڤكرييه، دچارچووڤێ ڕێورهسمێن ڤهكرنا كۆنسوڵخانا ئهمريكا ل ههولێرێ، مير حازم تهحسين بهگ، ميرێ ئێزديان ل كوردستان، عێراق و جيهانێ ل گهڵ مایکل ڕیگاس، جێگرێ وەزیرێ دەرڤەيێ ئەمریکا كۆمبوو.
د ديدارێ دا، ميرێ ئێزديان و جێگرێ وەزیرێ دەرڤەيێ ئەمریکا ڕهوشا نوكه يا ئێزديان و ب تايبهت شنگالێ و پشتهڤانييا ئهمريكا بۆ ئێزديان گوتۆبێژكرن.
ڕاگههاندنا نڤيسينگهها جڤاتا ڕۆحانى ئاماژه ب وێ چهندێ دا، جێگرێ وەزیرێ دەرڤەيێ ئەمریکا پشتهڤانييا وهڵاتێ خۆ بۆ جڤاكێ ئێزدى دووپاتكر، ژبهر ئێش و ئازارێن ب سهرێ ئهواندا هاتين ل دهمێ دهست بسهرداگرتنا داعشێ بۆ سهر دهڤهرێن وان.
چارشەمبوويێ 3ـى کانوونا ئێکێ 2025، ب بەرهەڤبوونا سەرۆک بارزانی، نێچیرڤان بارزانی سەرۆکێ هەرێما کوردستانێ، مەسرور بارزانی، حكومهتا هەرێما کوردستانێ ، مايیل ریگاس، جێگرێ وەزیرێ دەرڤەیێ ئەمریکا و قوباد تالەبانی، جێگرێ سهرۆكێ حكومهتا هەرێما کوردستانێ، ڕێورەسمێن ڤەکرنا ئاڤاهییێ نوو یێ کۆنسوڵخانەیا ئهمریکا ل هەولێرێ هاتنە ب ڕێڤەبرن.
