ناڤەندا نووچەیان – سەما
ههتا نوكه چار ههزار سهرۆك خێزانێن شنگالێ چهكێن قهرهبووكرنێ وهرگرتينه و هێشتا 32 ههزار خێزانێن دى چاڤهڕێ وهزارهتا دارايى يا عێراقێ دكهن چهكێن وان ب مهزێخن.
ل گۆڕ زانياريێن سهما، پشتى جينۆسايدا ئێزديان ل 3ى تهباخا 2014، ل سهر دهستێ ڕێكخراوا داعش يا تيرۆرستى، تا نوكه 54 ههزار مامهلهيێن قهرهبووكرنێ ل سهرانسهرى شنگالێ پێشكێشى فهرمانگهها قهرهبووكرنێ هاتينه كرن، ژوانژى 4 ههزار سهرۆك خێزانان چهكێن خۆ يێن قهرهبووكرنێ وهرگرتينه.
ههروهسا ژ سهرجهمێ 50 ههزار مامهلهيان، 32 ههزار مامهلهيێن دى يێن قهرهبووكرنێ ل بهردهستن و ڕهزامهندى ل سهر هاتيه كرن و بتنێ مايه وهزارهتا دادارايى يا عێراقێ شايستهيێن زيانڤێكهفتيان ب مهزێخت و وهرگرن.
لدووڤ زيانێن ب خانيێن وهڵاتيان كهفتين، ليژنهكا تايبهت سهرهدانا خانيێن خرابوويى دكهت و گوژمهكێ دراڤى ژ 4 تا 10 مليۆن ديناران ب زيانڤێكهفتيان ددهت.
هێشتا پترى 70% ژێرخانهيا باژێرێ شنگالێ يا وێرانكريه و نههاتيه ئاڤهدانكرن، خانيێن خهڵكێ ژلايێ تيرۆرستێن داعشێ ڤه هاتينه پهقاندن و تالانكرن، وهڵاتى دخوازن لهز ل ئاڤهدانكرنا شنگالێ بێته كرن داكو دووباره ڤهگهڕنه دهڤهرێن خۆ ڤه.