ناڤەندا نووچەیان – سەما
پەرلەمانتارەكا ئێزدی ل پەرلەمانێ عێراقێ دبێژت:كەمپێن ئاوارەیێن شنگالێ پێدڤی ب پشتەڤانییا حكومی یا بەردەوام هەیە،ب تایبەت پشتی بەشەكا هاریكاریێن حكومەتا عێراقێ بۆ ئاوارەیان هاتینە ڕاگرتن.
د.ڤیان دەخیل، ئەنداما پەرلەمانێ عێراقێ و پەیڤدارا فراكسیۆنا پارتی دیموكراتی كوردستان ڕاگەهاند،پێدڤیە ڕەوشا مرۆڤی یا ب زەحمەت یا ئاوارەیان ل بەر چاڤ بێتە وەرگرتن و هەموو پێدڤیێن سەرەكی یێن ژیانێ بۆ ئاوارەیان ل كەمپان بێنە دابینكرن.
گۆتژی:كەمپێن ئاوارەیێن شنگالێ پێدڤی ب پشتەڤانییا حكومی یا رژد و بەردەوام هەیە،ب تایبەت پشتی بشەكا هاریكاریێن حكومەتا عێراقێ بۆ ئاوارەیان هاتینە ڕاگرتن دماوەیێ بۆری دا.
راگەهاند ژی: كار دكەین كو ئاوارەیێن شنگالێ ل كەمپان ب سەربڵندی ڤەگەڕنە سەر دەڤەرێن خۆ ڤە و هەموو مافێن وان بێنە بەردەستكرن و دەست ب ژیانا خۆ یا ئاسی بكەنە ڤە.
لدووڤ ئامارێن ڕێڤەبەریا كۆچ و كۆچپەران ل دهۆكێ، نێزیكی 20 هەزار خێزانێن ئاوارەیێن شنگالێ ل سەر 15كەمپان ل سنوورێ پارێزگەها دهۆكێ و ئیدارەیا سەربەخۆیا زاخۆ هاتینە دابەشكرن، كو ژمارا وان دبتە دۆرێن 280 هەزار كەسان.
هەروەسا 35هەزار خێزانێن ئاوارە ل دەرڤەی كەمپان ل ناڤا گوند و كۆمەلگەهان دا ژیانا خۆ دەرباز دكەن.