ناڤەندا نووچەیان – سەما
ل ڕۆژا جيهانى يا قوربانيێن بێسهروشوونكرنا زۆرهمڵێ، ڕێكخراوا بهتريكور بۆ مافێ مرۆڤى ل شنگالێ داوى ئامارا وندابوويێن ئێزدى بهڵاڤكر.
د بهياننامهيا ڕێكخراوا بهتريكور بۆ مافێ مرۆڤى ل شنگالێ هاتييه: ب گۆڕهى ئامارێن باوهرپێكرى يێن ڕێكخراوێ، هێشتا 2 هزار و 560 كهسێن ئێزدى بێسهروشوون و ڕهڤاندينه، ژوانژى 1225ڕهگهزێ مێنه و 1335نێرن.
ئاماژه ب هندێ دا، ههتا نوكه 25گۆڕێن بكۆم ل شنگالێ نههاتينه هڵدان، زێدهبارى زێدهترى 500 ڕووفاتێن قوربانيێن ئێزدى ل گۆڕێن بكۆم دا هاتينه دهرخستن و ل نۆژداريا داد ل بهغدايێ نه و ههتا نوكه ناسنامهيێن وان نههاتينه ئاشكراكرن، ژبهر گيرۆبوونا وهكههڤبوونا پشكنينا دى ئێن ئهى دگهڵ كهسوكارێن قوربانيان.
دووپاتكر، داخوازێ ل ل حكومهتا عێراقێ و لايهنێن نێڤدهوڵهتى دكهين ههموو گۆڕێن بكۆم ڤهكهن و لهزێ ل پشكنينێن دى ئێن ئهى بكهن و ڕووفاتان ڕادهستى كهسوكارێن وان بكهن و خێزانێن زياندار قهرهبوو بكهن.
ب ئهگهرێ هێرشا ڕێكخراوا داعش يا تيرۆرستى ل 3ى تهباخا 2014، زێدهترى شهش هزار كهسێن ئێزدى ژلايێ تيرۆرستان ڤه هاتنه ڕهڤاندن و هێشتا چارهنڤيسێ پترى دوو هزار ڕهڤانديان يێ ديار نينه.