ناڤەندا نووچەیان – سەما
پشكا ئاهێن خوارنێ یا زێدەتر ژ سێ ملیۆن كەسان دێ ئێتە برین،كو بەری نوكە ب شێوەیەكی نە قانوونی وەرگرت.
وەزارەتا بازرگانییا عیراقێ دیاركر، پشكا ئاهێن خوارنێ یا زێدەتر ژ سێ ملیۆن كەسان دێ ئێتە برین، كو بەری نوكە ب شێوەیەكی نە قانوونی وەردگرت، ئەو كەس ژی ئەون یێن كو فۆرمێن خوارنێ نەماین و ل دەرڤەیی وەلاتی دژین، وەغەرا داویێ كرین.
محەممەد حەنوون، پەیڤدارێ وەزارەتا بازرگانییا عێراقێ ڕاگەهاند، نێزیكی 41 ملیۆن كەسان خۆ ل سیستەمێ ئەلكترونی یێ ئاهێن خوارنێ تۆماركرینە.
ئاشكراكر: ل پارێزگەها دهۆكێ زێدەتر ژ ئێك ملیۆن و 320 هزار كەسان خۆ تۆماركرینە، هەیڤانە دێ ب رێیا فۆرمێ پشكا خۆ یا ئاهێن خوارنێ وەرگرن.