ناڤەندا نووچەیان – سەما
كۆمبوونهك ل دۆر تێكچوونا ڕهوشا كهمپێن ل سنوورێ پارێزگهها دهۆكێ و دابینكرنا خزمهتگۆزاریێن گشتی هاته كرن.
ب گۆڕهى ڕاگههاندنا پارێزگهها دهۆكێ، ئيڕۆ چارشهمبوويێ،٣ـی ئهیلوولا ٢٠٢٥، ب ئامادهبوونا ماجد سهید سالهح، جێگرێ پارێزگارێ دهۆكێ و دیار بهحری، ڕێڤهبهرێ گشتیيێ باژێرڤانیان و د.ئهڤراسیاب موسا، ڕێڤهبهرێ گشتيیێ ساخلهمیێ و رزا نايف، ڕێڤهبهرێ چاڤدێری و گهشهپێدانا جڤاكی و خانم ڕهوشهن ئهتروشی، ڕێڤهبهرا ڕێكخراوا VNG یاهۆڵهندی و ڕێڤهبهر و نوونهرێن دهزگایێ خێرخوازیێ بارزانی و چاڤدێریا كۆمهلایهتی و بهرسڤدانا قهیرانان و ئاڤا دهوروبهرا، كۆمبوونهك ل دۆر ڕهوشا كهمپێن ل سنورێ پارێزگهها دهۆكێ هاته ئهنجامدان.
دكۆمبوونێ دا، ڕێكخراوا ناڤبری ڕاپۆرتهك پێشكێشكر، پاشى ب تێروتهسهڵی بهحسێ ڕهوشا كهمپێن ل پارێزگهها دهۆكێ و هوكارێن تێكچوونا بارودۆخێ وان و دووڤچوون و دابینكرنا خزمهتگۆزاریێن گشتی ب تایبهت یێن ساخلهمیێ، ئاڤێ، ژینگههێ و دهلیڤێن كاری و چهند بابهتێن جڤاكی هاتهكرن.