ناڤەندا نووچەیان – سەما
سەرۆك بارزانی ل یادا 64 ساڵييا سهرهڵدانا شۆڕهشا ئيلۆنێ پەیامهك بهڵاڤکر و تێدا ئاماژە ب هندێ دا، شۆرەشا ئەیلوولێ لاپەرەكێ زێرینێ بزاڤا ڕزگاریخوازا كوردستانێ بوو، مەزنترین شۆرەشا سەرانسەرییا سیاسی و چەكداری و جەماوەرییا كوردستانێ بوو، كو خەلك پالدا ب ڕێز و باوەری ب خۆبوونڤە بەرەڤ ئارمانجێن نوو و ئاسویەكێ بەرفرەهـ پێنگاڤان پاڤێژن.
دەقێ پەیاما سەرۆك بارزانی:
ب ناڤێ خۆدایێ مەزن و دڵۆڤان
شۆرەشا ئەیلوولێ لاپەرەكێ زێرینێ بزاڤا ڕزگاریخوازا كوردستانێ بوو، مەزنترین شۆرەشا سەرانسەرییا سیاسی و چەكداری و جەماوەرییا كوردستانێ بوو، كو خەلك پالدا ب ڕێز و باوەری ب خۆبوونڤە بەرەڤ ئارمانجێن نوو و ئاسویەكێ بەرفرەهـ پێنگاڤان پاڤێژن، د ئەنجامدا دۆزا گەلێ كوردستانێ قووناغا مەزن دەربازكر.
ئەڤێ شۆرەشێ ب ڕابەرییا بارزانییێ نەمر بۆ جارا ئێكێ د مێژوویێدا بنەمایەكێ موكۆم بۆ تێكۆشان و خەباتا هەڤپشك یا دەڤەرێن جۆدا یێن كوردستانێ و هەموو تەخ و چین و پێكهاتەیێن كوردستانێ دانا، ئەوژی ژ پێخەمەت بەرەڤانیكرن ژ دۆزا ڕەوا و مافێن خەلكێ كوردستانێ.
شۆرەشا ئەیلوولێ بۆ قووناغێن دی یێن خەباتا گەلێ كوردستانێ ژی ژێدەرێ هێز و ئیلهامێ بوو، ئەزموون و دەستكەڤتێن ئەوێ شۆرەشا مەزن بۆ هەردەم بەرچاڤ ڕوونییێ د دەنە خەبات و تێكوشانا گەلێ كوردستانێ.
ل يادا 64 ساڵییا سەرهڵدانا شۆڕەشا ئيلۆنێ، من دەستخۆشی و پێزانین بۆ هەموو ئەوان كادر و پێشمەرگە و خەباتگێران هەنە، یێن ب پێداگیری و وێرەكانە و وەستیانڤە مێژوو و شانازی بۆ گەلێ كوردستانێ تۆماركری، هەر دڤێ هەڵكەفتێدا هزاران سلاڤان بۆ شەهیدێن شۆڕەشا ئيلۆنێ و هەموو شەهیدێن ڕێیا ئازادییا كوردستانێ د هنێرم.
مەسعود بارزانی
11ی ئيلۆنا 2025