ناڤەندا نووچەیان – سەما
ل سهر ڕاسپاردەیێن مەسرور بارزانی، سهرۆكێ حكومهتا ههرێما كوردستانێ چارەسەریا نۆژدارى پێشکێشی شەش ئەندامێن خێزانهكا ئێزدی دئێته كرن کو تووشی شێرپەنجێ بووينه.
ل نەخۆشخانەیا ئازادى ل دهۆکێ، دوو ئەندامێن خێزانهكا ئێزدی کو ئاكنجيێن کەمپا باجدکەندالانه ل ئيدارهيا سهربهخۆيا زاخۆ و تووشی نەخۆشیا شێرپەنجێ ببوون؛ ل سهر ڕاسپاردەیێن مەسرور بارزانی، سەرۆکێ حکومەتا هەرێما کوردستانێ، نەشتەرگەریى بۆ وان هاته ئەنجامدان و ب سەرکەفتيانه تمامبوو.
دکتۆر سەگڤان سلێمان، ڕێڤهبهرێ گشتيیێ نەخۆشخانەیا ئازادی ل دهۆکێ، بۆ کوردستان24 ڕاگەهاند: ب سەرپەرشتی و ڕاسپاردەیێن سەرۆکێ حکومەتا هەرێما کوردستانێ، نەشتەرگەری بۆ دوو ئەندامێن خێزانێ ل نەخۆشخانەیا ئازادی ب سەرکەفتيانه هاته ئەنجامدان و خۆشبەختانە، هەردوو ئەندامێن خێزانێ نەشتەرگەرى ب سلامەتی بۆ هاته كرن و ژ نەخۆشخانێ دەركهفتن و ڤهگەڕيانە ناڤ کەسوکار و خێزانا خۆ.
بڕیارە چار ئەندامێن دی يێن خێزا عەبدوڵڵا خدر، کو تووشی نەخۆشیا شێرپەنجێ بووينه، ل دهمهكێ نێزیکدا هەموو چارەسەرییەکا پێدڤى بێ بهرامبهر بۆ وان بێته دابينكرن، ئەڤێ دەستپێشخەرییێ دەرفەتهكا نوو يا ژیانێ بۆ ڤێ خێزانێ بەخشی و هیڤيخوازن ب تەمامى چاک ببن و ڤهگەڕنە سەر ژیانا خۆ يا ئاسایی.