مللەتێ ئیزدی ب رێ ورسم وعید وعەرەفات و عرف وعاداتێن خۆ ئی دیارە لەوما ساخکرن و پوتە بێدان وخەمخۆری دڤی بواریدا وھەرکەسەکی ژئالیێ خۆڤە نیشانا سەرکەفتنێ وپێشفەبرنا ئێزدیاتیێ یە و برێڤەبرنا دابونەریتێن مە ئێزدیانە دگەل پێشکەفتنا جیھانێ د ھەموو واراندا و تایبەت ئەڤ پێشکەفتنا ھۆسا یە مەزن و بەرفراھ د بوارێن راگەھاندن و ئەنترنێت و گەھاندنا بلەز .
ھاتنا جەژنا جەمایێ و ساخکرنا رێ ورسمێن ھەر ھەفت رۆژێن جەژنێ نیشانا ئارامیێ و ئیمناھیێ یە ، ژ ئالیێ دیڤە گێران و بەردەوامی دان ب ڤان رێ و رسما وێ چەندێ خویا دکەت بۆ ھەموو چیھانێ کو ملڵەتێ ئێزدی ب درێژیا مێژوویێ ھەر مایە مللەتەک ساخ و سەربلند ، لەوما گێران و بریڤەچۆنا رێ ورسمێن چەژنا جەمایێ دناڤا سەقایەکی ئارامدا رەمانەکە مەزن ددەت و پەیامەکە مەزن دگەھینتە ھەموو جیھانێ کو ئیرۆ رۆژ جمایا شیخادێ ل لالشا پیرۆ بویە خۆزیکا ھەمو خەلکێ یە کو سەرەدانا لالشا پیرۆز بکەن و پشکداریێ درێ و رسمێن ڤێ جەژنا ھوسا یەمەزن و پیرۆزدا بکەن.
جەژنانا جەمایێ ئێکە ژ جەژنێن دێرینێن مە ئێزدیان ، رێ رسمێن ڤێ جەژنێ بۆ ماوێ ھەفت رۆژان لناڤا گەلیێ لالشا پیرۆز پرێڤە دچن ، ھەر ژ رۆژا ( ٢٤ ھەتا ٣٠ ) ی ئێلونا رۆژ ھەلات ، ئانکو ژ ( ٦ ھەتا ١٢ ) ی چریا ئێکێ ب ھژمارا زاینی ل پەرستگەھا پیرۆزا لالش دئێنە گێران .
… ژ رێ و رسمێن جەژنا جەمایێ :
– ھەموو ھێڤارا چراێن ئاقد و خاسا دئێنە ڤێخستن .
– ھەر کەسێ ئێزدی بچتە جەژنا جەمایێ دڤێتن ل نیشانێن خاسا زیارەتیبت و بچتە سەر حەودا وکانیا سپی و زمزمێ و مەزارگەھێن شێخ وپیرێن خۆ زیارەتیبت .
– ل ھەموو ھێڤارێین عیدێ سەما تێتە کێشان دگەل قەول وسەبەقا ودەف و شەبابا .
– رێ و ڕسمێن قەنتارێ دئێنە گێران .
– ل ڕۆژا چاڕێ ژ جەژنێ پەری دئێنە سوارکرن .
– ل رۆژا پێنجێ ژ جەژنێ ڕێ و ڕسمێن قەپاغێ دئێنە گێران .
– ل رۆژا شەشێ ژ جەژنێ بەرێ شباکێ دئێتە سوارکرن .
– کەسێ نەی مۆرکریبت ب ئاڤا کانیا سپی دئێتە مۆرکرن .
– ھەمو سەردەریێن خاسا سماتێ چێدکەن .
– ل رۆژا دوماھیکێ ژ جەژنێ تاوس دئێتە جوانکرن .
مە ژ ئادیا بەخشە
ب وێ قوبێ کەم سەری ل عەرشا
جەمایا مێرا وا ل لالشە
ھەلبەت ئێزدی ژ ھەمو دەفەرێن ئێزدیان قەستا پەرستگەھا لالشێ دکەن تایبەن ژ دەرڤەی وەلات ب مەرەما زیارەتبونێ و پشکداریێ دڤێ جەژنێدا ، دیندار و ئۆلدارێن ئاینی وسەردەرێن خاسا دڤێتن بەری ھنگی ل لالشێ حازربن ژبۆ ئامادەکارێ وپێشوازیا مێھڤانێن جەمایێ ، ھڤیدارێن ژ خۆدێ و تاوسی مەلەک ئەڤ جەژنە جەژنا خێرێ بت لسەر مللەتێ مە یێ ئێزدی و ھەموو دونیايێ .
