ناڤهندا نووچهیان – سهما
وهزیرێ دەرڤە یێ عێراقێ ئاماژه ب وێ چهندێ دا، چ كێشهيێن هونهری ل هەمبەر هنارتنا مووچهیێ مووچهخۆرێن ههرێما كوردستانێ نهماینه.
فوئاد حسێن، وهزیرێ دهرڤەیێ عێراقێ دچارچووڤێ چاڤپێكهفتنەکێدا دگەڵ كهناڵێ (حهدهس) ڕاگههاند: ڕێككهفتن دەربارهى دۆسهیا پهترۆلا ههرێما كوردستانێ دناڤبەرا حكومهتا ههرێمێ و فیدڕاڵ و كۆمپانیا هنارتنا پهترۆلێ هاتیە کرن و كێشهيێن خۆ چارەسەر کرینە.
وهزیرێ دهرڤەیێ عێراقێ ئاماژه ب وێ چهندێ دا، نوکە پهترۆل دئێتە هنارتن و بابهتێ داهاتێ نانهفتی ژی، ب شێوهیهك ل شێوهیان هاتیە چارهسهرکرن و حكومهتا ههرێما كوردستانێ پابهندیێن خۆ بجهئيناينه، بەلێ ئهو بوو مووچهیێ هەیڤا ههشت هاتە مەزاختن و نوکە د هەیڤا 11 داینە و چاڤەڕێ بووین مووچهیێ هەیڤا نەهـ ژی بێتە مەزاختن.
دهربارهى مووچهيێ مووچهخۆرێن كوردستانێ گۆت: ئەم د وێ باوەريێ داينه کو چ كێشهيهكا هونهری ل هەمبەر هنارتنا مووچهیێ مووچهخۆرێن ههرێما كوردستانێ نهمایه.