زاڕۆك كهسهكى ڤالايه ژ زانين و زانست و ڕهشهنبيريهتێ، ژبهر هندێ ههر دهمێ گوهـ ل تشتهكى ببت يان تشتهكى دخوند، زوو وهردگرت و دهمێ ب پهرتووكێڤه ژى دهێته گرێدان و پهرتووك و گۆڤاران دخوينت، زوو پێزانينێن تێدا وهردگريت، ئهڤجا ئهڤ پێزانينه چ ب ڕێكا چيرۆكان، هۆزان، گۆتاران…يان ههر بابهتهكى ديتر بيت ئهوێن د پهرتووكێن زاڕۆكاندا دهێته نڤيسين، ئانكو پهرتووك ڕێكهكه بۆ ئاڤاكرنا مێشكێ زاڕۆكى و ئاڤاكرنا زاڕۆكهكى ڕهوشهنبير و خودان هێز و شيان. ئهم دكارن بێژين گرنگييا خواندنا پهرتووكان بۆ زاڕۆكى د ئهڤان چهند خالاندا دياردبت:-
1. دهولهمهندكرنا فهرههنگا زمانى ل دهڤ زاڕۆكى.
2. بهێزكرنا زمانى و شيانا ئاخڤتنێ.
3. گههشتن ب بهرسڤا ئهوان پرسياران ئهوێن لنك زاڕۆكى دروست دبن، ئهڤه ژى ب ڕێكا ئهوان پێزانينايه ئهوێن د ناڤهڕۆكا پهرتووكێ دا ههين.
4. وهرگرتنا پێزانينێن جۆراوجۆر، وهكى وهرگرتنا پێزانينێن (مێژووى، زانستى، كهلتوورى و …هتد).
5. گهشهكرنا مێشكێ زاڕۆكى.
6. پڕكرنا دهمێ ڤالا و دووركهفتن ژ كارو كريارێن نهباش.
7. هۆنهرێ ئاخڤتنێ، فێرى شێوازێن جوان يێن ئاخڤتنێ دبيت.
8. پاقژى، فێرى خۆ پاقژيێ و ژينگههـ دبيت.
9. بهێزكرنا پهيوهندييان، وهكى پهيوهنديێن خێزانێ و ههڤالينيێ.
10. گرنگيدان ب ڤيانا وهلاتى و بلندكرنا ههستێ نهتهوايهتى.
ل ڤێره بۆ مه دياردبيت، ب ڕيكا بابهتێن جۆراوجۆر ئهوێن د گۆڤار و پهرتووكان دا دئێنه بهلاڤكرن بۆ زاڕۆكان، زاڕۆكى فێرى گهلهك كارو ڕهفتارێن باش دكهت، ژبهر هندێ فهره دايك و باب بهردهوام پشتهڤانييا زاڕۆكێ خۆ بن و دگهلدا هاريكاربن بۆ بدهستڤهئينانا پهرتووك و گۆڤاران.
