ناڤهندا نووچهيان – سهما
ل سهر ئاستێ پەروەردهيێن قەزایێن دهۆکێ، هەڵبژارتیێ ڤولیبۆلا کوڕێن پەروەردا قەزا شنگال ناسناڤێ قارهمانییا ڤولیبۆلا کوڕان بدهستڤهئينان.
ڕاگههاندنا پهروهردا شنگال يا خواندنا زمانێ كوردى بهڵاڤكر، ب چاڤدێری و ئامادهبوونا عهلى عومهر، ڕێڤهبهرێ گشتی يێ پهروەردا پارێزگەها دهوكێ و مهيسهر حهجى، ڕێڤەبەرێ پەروەردا شنگال و ڕێڤەبەرێن پەروەردێن بەردەڕەش، دهۆک ڕۆژهەلات، دهۆک ڕۆژئاڤا و رڕڤەبەرێ ڕێڤەبەریا چالاکیێن وەرزشی و دیدەڤانی ل پارێزگەها دهوکێ و پەروەردێن ناڤبری و هژمارهكا باش ژ مامۆستا و قوتابیان، ڕێورهسمێن ب داوى ئینانا قارهمانییا ڤولیبۆلا کوڕان ل سەر ئاستێ هەڵبژارتیێن پەرەوردەيێن قەزایێن پارێزگەها دهوکێ بۆ قۆناغا ئامادەیی دناڤبەرا هەلبژارتیێ هەردوو پەروەردەیێن شنگال و بەردەرەش دا هاتەکرن.
پشتی هەڤرکییەکا دژوار د درێژاهییا یاریێ دا، دئەنجامدا یاریزانێن پەروەردا شنگال كارين ب دوو گێما بەرامبەر گێمەکی سەرکەفتنێ تومار بكهن و ناسناڤێ قارەمانیێ بدەستڤەبر.
ل داویێ خهلات ل سهر تیم و یاریكهرێن سهركهفتى ژلایێ مێهڤانیێن ئامادهبووى ڤە هاتنه بهڵاڤكرن.
