ناڤەندا نووچەیان – سەما
مهيان خێرى بهگ، خاتوونا ئێكێ يا ئێزديان دگهڵدا داسن قهوال سلێمان، بريكارێ ئۆلى يێ ديوانا ئهوقافا ئۆلێن مهسيحى، ئێزدى و سابئهمهندائى ل بهغدايێ، سهرهدانا قوتابخانا بهحزانێ يا پهروهرده و ئۆلى ل ناحيا باشيكێ كر.
خاتوونا ئێكێ يا ئێزديان د ڕاگههاندنهكێ دا بهڵاڤكر، ب مهرهما ژ نێزيك ڤه هايداربوون ل سهر كاروبارێن قوتابخانا ئۆلى يا بهحزانێ، سهرهدانا وێ كر و ڕۆلێ مامۆستايێن سهرپهرشت و كهسوكارێن قوتابيان بۆ هاندانا زارۆيێن خۆ بۆ ڤان خۆلان بڵند دنرخينن، ژبۆ پاراستنا ئۆل و كهلتوور و داب و نهريتێن خۆ.
گۆتژى: هيڤيدارم قوتابخانهيێن بڤى شێوهى ل گوند و كۆمهڵگههێن ئێزديان بێنه ڤهكرن، ههروهسا يا گرنگه كار بۆ ئاڤاكرنا نفشهكێ هشيار ب بهايێن خۆ يێن ئۆلى بكهين.
نێزيكى پێنج ساڵانه قوتابخانا ئۆلى ل بهحزانێ هاتيه ڤهكرن و مامۆستايێن وێ خۆبهخشن، ل ئێكێ مهها شهش دهست ب وهرگرتنا قوتابيان دكهت و ههتا دهستپێكا مهها نههـ يا بهردهوامه، كو وانهيێن ئۆلى پێشكێشى قوتابيان دكهن.