ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ، ب هەلکەفتا جەژنا ژ دایکبوونا حەزرەتێ مەسیح د پەیامەکێ دا، پیرۆزباهییێ ل کریستیانێن کوردستانێ و عێراقێ و جیهانێ دکەت.
ئیڕۆ چارشەمبوویێ 24ی کانوونا ئێکێ 2025، مەسرور بارزانی، سەرۆکێ حکومەتا هەرێما کوردستانێ د پەیاما خۆدا، هیڤییا جەژنەکا پڕ خێر و خۆشی بۆ کریستیانان دخوازت و دبێژت: د ڤێ هەلکەفتێ دا، پابەندبوونا خۆ یا نەگۆڕ ب پاراستن و پێشڤەبرنا بهایێن پێکڤەژیانا ئاشتیانە و برایەتی و تەڤاییێ د ناڤبەرا پێکهاتەیێن هەرێما کوردستانێ دا دوپات دکەینەڤە.
ئەڤە ژی دەقێ پەیامێ یە:
ب هەلکەفتا جەژنا ژ دایکبوونا حەزرەتێ مەسیح (سلاڤێن خودێ ل سەر بن)، گەرمترین پیرۆزباهییان ل کریستیانێن کوردستانێ و عێراقێ و جیهانێ دکەم و هیڤیا جەژنەکا پڕ ژ خێر و خۆشییێ بۆ وان دخوازم.
د ڤێ هەلکەفتێ دا، پابەندبوونا خۆ یا نەگۆڕ ب پاراستن و پێشڤەبرنا بهایێن پێکڤەژیانا ئاشتیانە و برایەتی و تەڤاییێ د ناڤبەرا پێکهاتەیێن هەرێما کوردستانێ دا دوپات دکەینەڤە.
جەژنا هەوە پیرۆز بیت و هەر د شاد و ساخلەمیێ دا بژین.