ناڤەندا نووچەیان – سەما
رێڤهبهرێ سازيا ئێزدينا ئاماژێ ب وێ چهندێ دكهت، هێشتا بنپێكارى ل دژى ئێزديێن عهفرينێ ل ڕۆژئاڤايێ كوردستانێ ل سهر دهستێ هێزێن دهستههلات ل وى باژێرى دا دئێنه كرن و زۆريا ئۆلى ب سهر ئهواندا دسهپينن.
ئيڕۆ سێ شهمبوويێ، 22ـی کانوونا ئێكێ 2025، عهلى عيسو، رێڤهبهرێ سازيا ئێزدينا، بۆ سهما دياركر، بهرى داگيركرنا باژێرێ عهفرينێ ژ لايێ سوپايێ توركيا و گرۆپێن ب سهرڤه، ژمارا ئێزديان نێزيكى 35 هزار كهس بوون، لێ د نوكه دا دبت پێنج بۆ شهش هزار كهسان مابن، ژبهركو پتريا وان دهربهدهر و ئاوارهيى دهڤهرێن دى يێن ڕۆژئاڤايێ كوردستانێ بوون.
عهلى عيسو دووپاتكر، ههتا نوكه بنپێكارى و ستهم ل دژى ئێزديێن ل عهفرينێ ماين دبهردهوامن، وهكو زۆرداريا ئۆلى ب سهر واندا د سهپينن و زارۆيێن ئێزدى فێرى كارێن توندرهويێ دكهن، زێدهبارى هندێ ئاواره نهوێرن و دترسن ڤهگهڕنه ڤه.
پتريا ئێزديێن عهفرينێ ئاوارهيێ پارێزگهها حهلهبێ و چهند دهڤهرێن دى ل ڕۆژئاڤايێ كوردستانێ بووينه، ههروهسا ژبهر شهڕێ ل سوووريێ پهيدابووى ب هزاران ئێزدى كۆچبهرى وهلاتێن ئهورۆپى و چهند وهلاتێن دى يێن جيهانێ بوون.