ناڤهندا نووچهيان – سهما
سەرۆکێ حکوومەتا هەرێما کوردستانێ ب پێدڤى دزانت، ئێدى زێدهتر بهرژهوهندیا باڵا یا كوردستانێ نهبته قوربانیا هیچ لایهنهكی.
ئيڕۆ چارشەمبوويێ، 31ـی کانوونا ئێكێ 2025، مەسرور بارزانی، سەرۆکێ حکومەتا هەرێما کوردستانێ، ب ههلكهفتا هاتنا سالا نوو يا زایینی 2026، پەیامهكا پیرۆزباهیيێ ئاراستەی وهلاتيێن هەرێما کوردستانێ و سەرجەم کوردستانییان ل سەرتاسەری جیهانێ کر.
دەقێ پەیاما سەرۆکێ حکومەتا هەرێما کوردستانێ ب ههلكهفتا سەرێ سالا نوو يا زایینی 2026:
ب ههلكهفتا هاتنا سهرێ سالا نوو یا زاینی2026، گهرمترین پیرۆزباهیان ل گشت ههڤنشتیمانیێن ههرێما كوردستانێ و تهڤایا كوردستانیان دكهم و هیڤی یا سالهكا پر ژ خۆشی و ئارامیێ بۆ وه دخوازم.
ساڵا بۆری سالهك بوو پر ژ دهستكهفت و ئهنجامدانا چهندین پرۆژێن ستراتیژی بوو ل ههرێما كوردستانێ و ههروهسان سالهكا پر ژ ئاستهنگ و ئاڵنگارییان بوو.
ب پشتهڤانیا خودایێ مهزن و خۆراگرییا خهلكێ نشتیمانپهروهرێ كوردستانێ، مه كاری چاكسازیێن حكومهتا ههرێما كوردستانێ د بیاڤێن جودا جودا دا، ب تایبهتی دابینكرنا كههرهبا بهردهوام و چارهسهركرنا كێشهیا كێم ئاڤیێ و بنیاتنانا رێك و پران و باشتركرنا ژێرخانا دارایی و بانكی ب ئهنجام بگههینن و بهردهوامین ژی ل خزمهتكرنا زێدهتر یا خهلكێ كوردستانێ.
هیڤیدار و هیڤیخوازین د ماوهیهكێ نێزیكدا، كابینهیا نووی یا حكومهتا ههرێما كوردستانێ بهێته پێكئینان، ب مخابنی ڤه ب مهرهم رێگری هاتیه كرن كابینهیا نووی یا حكومهتا ههرێما كوردستان بهێـته پێك ئینان.
پێتڤیه زێدهتر بهرژهوهندیا باڵا یا كوردستانێ نهبته قوربانیا هیچ لایهنهكی.
ههروهسان هیڤیخوازین كابینهیا نووی یا فیدرال ژی د ئایندهیهكێ نێزیك دا ل سهر بنهما و ل بهرچاڤ وهرگرتنا پرهنسیپێن ههڤپشك و ههڤسهنگ و ههڤهاتنێ بت.
سالا نوو ل وه ههموویان پیرۆزبت و ههردهم د خۆشی و د ساخلهم بن
مەسرور بارزانی
سهرۆكێ حكومهتا ههرێما كوردستانێ
2025/12/31