ناڤهندا نووچهیان – سهما
ڕێكارێن هاتنوچۆنێ بۆ ترۆمبێلێن تایبهت یێن گهشتیاران دناڤبهرا ههرێما كوردستانێ و كۆمارا ئیسلامی یا ئیرانێ دێ ئێنه رێكخستن و ل دهستپێكا ههیڤا ئادارێ بریار دێ كهفته د بیاڤێ بجهئینانێ دا و ههتا تهمامبوونا ڕێكخستنا رێكاران، رێك ب هیچ ترۆمبێلهكا جۆرێ تایبهت نائێته دان ل دهروازێن حاجی ئۆمەران، باشماخ و شۆشمێ (تەوێڵە) هاتنوچۆنێ بكهن.
پشكهكا گهشتیاران بۆ گهشتكرنێ بۆ وهلاتێ ئیرانێ ب ئۆتۆمبێلێن خۆ یێن تایبهت گهشت د كرن، بۆ ڤێ چهندێ پێتڤییه شوفێر چهند رێكاران جێبهجێبكهت و ل بهرامبهر دا دێ گۆژمهكێ پارهی ژێ ئێنه وهرگرتن.
د راگههاندنهكێ دا یا ڕاگههاندن و پهیوهندییان ل دهروازهیێن حاجی ئۆمەران، باشماخ و شۆشمێ (تەوێڵە)، گهشتیار ئاگههدار كرینه پشتی 1/3/2026ێ ئهڤ بریاره دێ كهفته د بیاڤێ بجهئینانێ دا. بهلێ پشتی تهمامبوونا رێكارێن نووی گهشتیار دێ ئێنه ئاگههدار كرن و دێ رێ دهن ب ترۆمبێلێن خۆ سهرهدانا ئیرانێ بكهن.