ناڤەندا نووچەیان – سەما
گرانبوونا بهايێ زێرى كارتێكرن ل سهر پرۆسهيا پێكئينانا ژيانا ههڤژينييێ دناڤ گهنجێن ئێزدييان دا كرييه، كو نكارن داوهتا خۆ بكهن و ل دۆر ڤى بابهتى جڤاتا ڕۆحانى يا بلند يا ئێزدييان دێ كۆم بت.
ئيرۆ ئێكشهمبوويێ، 8ـى 2026، خالد نهرمۆ، شێوهرمهندێ ميرێ ئێزدييان تايبهت بۆ سهما ڕاگههاند، بڕياره ل دهمهكێ نێزيك جڤاتا ڕۆحانى يا بلند يا ئێزدييان كۆمبوونا خۆ يا ئاسايى ئهنجام بدهت و چهند پرس و بابهتان يێن گرێدايى ب جڤاكا ئێزدييان ڤه گوتۆبێژ كهت.
خالد نهرمۆ دبێژت: د كۆمبوونا جڤاتا ڕۆحانى دا دێ ڕاوێژ ل گهل تهخ و چين و مهزن و ڕهوشهنبيرێن ئێزدييان ئيته كرن و پرسا گرانبوون و بلندبوونا بهايێ زێرى و كارتێكرنا وى ل سهر نهختێ كچا ئێزدى دێ ئێته بهحس كرن، ئێك ژ وان پێشنياران ئهوه نهخت ل جهێ زێرى بۆ دراڤى بێته گوهۆڕين.
ل پێ داب ونەریتێن ئێزدییان، مارهيا کچا ئێزدی ب زێڕى يه و نۆكه ب بڕیارا جڤاتا ڕۆحانی 40 گرامن.
گهنجێن ئێزدى دخوازن بڕيارهكا نوو بێته دان و نهخت بتنێ ب دراڤى بت، داكو ل داهاتى چ كارتێكرن ل گهنجان نهبت و بكارن ههڤژينييێ بكهن.