كچ و ژن فێرى كارێن ده‌ستى و پيشه‌يان نوو دبن

ناڤەندا نووچەیان – سەما
ناڤەندا سێمێلێ یا ئێکەتیيا ئافرەتێن کوردستانێ خۆله‌كا كارێن ده‌ستى بۆ هه‌ژماره‌كا كچ و ژنان ڤه‌كر و به‌شداربوويى دێ فێرى پيشه‌يێن نوو بن.

ڤيان ئه‌كره‌م، به‌رپرسا ناڤەندا سێمێلێ یا ئێکەتیيا ئافرەتێن کوردستانێ بۆ سه‌ما دياركر، ب مەرەما پێشخستنا شیانێن ئافرەتان و ڤەدیتنا دەلیڤێن کاری، خۆلەکا کارێن دەستی بۆ هه‌ژمارەکا ئافرەتێن دەڤەرێ هاتە ڤەکر و بۆ ماوێ هەیڤەکێ دێ یا بەردەوام بت.

به‌رپرسا ناڤەندا سێمێلێ ديار ژى كر، بەشداربووی ب شێوازەکێ تیۆری و پراکتیکی دێ شارەزایى ل سەر هەموو جۆرێن کارێن دەستی هەبت، ئێکەتیا ئافرەتێن کوردستانێ هەموو دەمان بزاڤێ دکەت کو ب ڕێیا ئەڤان خۆلان ئافرەتان بەرەف سەربەخۆیا ئابۆری و بهێزکرنا پێگەهێ وان د جڤاکی دا ببەت.

هه‌روه‌سا گۆت: ئارمانجا مه‌ ئه‌وه‌ كچ و ژنان فێرى پيشه‌يان بكه‌ين و ببن خودانكار و ڕۆله‌كێ گرنگ هه‌بت ژ لايێ دارايى ڤه‌ و پشت به‌ستنێ ل سه‌ر خۆ بكه‌ن.