پارێزگارێ دهۆكێ و كونسۆلێ ئه‌لمانيا چاوانيا ڤه‌گه‌ڕاندنا ئاواره‌يێن شنگالێ گوتۆبێژكر

ناڤەندا نووچەیان – سەما

ئيرۆ سێ شه‌مبوويێ 17ـى شوباتا 2026، د. عه‌لی ته‌ته‌ر، پارێزگارێ دهۆكێ پێشوازی ل ئه‌لبریشت ڤون ویتكی، كونسۆلێ گشتی یێ وه‌لاتێ ئه‌ڵمانیا ل هه‌رێما كۆردستانێ كر.

ڕاگه‌هاندنا پارێزگه‌ها دهۆكێ دياركر، د ڕوونشتنه‌كێ دا به‌حسێ گرنگیا به‌رده‌وامیا په‌یوه‌ندیێن دوقۆلی یێن دناڤبه‌را حكومه‌تا هه‌رێما كۆردستانێ و ئیدارا پارێزگه‌هێ دگه‌ل وه‌لاتێ ئه‌لمانیا د بوارێن ئاڤه‌دانی و ئابۆری و بازرگانی و ته‌ندرۆستی و ژینگه‌هێ و وه‌رزشی و چاندنێ و چه‌ند بابه‌تێن دی هاته‌كرن.

ته‌وه‌ره‌كێ دى گرێدايى گرنگیا پێكئینانا هه‌ردوو حكومه‌تێن عێراقێ و هه‌رێما كوردستانێ بوو.

هه‌روه‌سا هه‌ردو ئالييان چاوانیيا پڕۆسه‌يا ڤه‌گه‌راندنا ئاواره‌يان بۆ سه‌ر جى و وارێن وان و دابینكرن و ڤه‌گه‌ڕاندنا ئێمناهیيێ ل شنگالێ به‌حسكر.