ناڤهندا نووچهیان – سهما
رهوانگهها عیراقی بۆ مافێن مرۆڤی د راپۆرتهكا نوو و پر مهترسیداردا ڕاگههاند، ئامارێن توندووتیژییا خێزانی ل عیراقێ د ماوهیێ ئێك سالده ب تایبهت ل 2025ێ ب رێژهیهكا مهزن بلند بوون ب خۆڤه دیتیه، ژمارهیێن راست گهلهك ژ وێ چهندێ مهزنترن یێن دهێنه گۆتن، ژبهركو ب رێژهیا 150% بلند بوویه.
ڕهوانگههێ دیاركریه: 36 هەزار و 289 حاڵەتێن توندوتیژییا خێزانی ب فەرمی هاتینه تۆمار کرن و ئەڤە د دهمهكیدایە ل ساڵا 2024ێ بتنێ 14 هەزار حاڵەت بووینە.
رهوانگههێ ئاماژه كرییه، ئهڤ ژماره ب تنێ نوونهراتییا وان قوربانییان دكهن یێن وێرهكی دایه خۆ و كارین بێدهنگیێ بشكینن و پهنایێ بۆ پۆلیس و دادگههان ببهن، بهلێ ههزاراتێن دن ژ بهر ترسێ و فشارا كۆمهلایهتی حالهتێن وان ب ڤهشارتی ماینه.
ههروهسان رهوانگههێ دیاركرییه هەر ژمارەیەکێ چیرۆكهكا مرۆڤی یا پر ئازار ل پشت ههیه و ههڤدهم راپۆرت رهخنهیێن تووند ل ماددا 41 یا یاسایا سزادانا عیراقی دگرت كو رێكێ ب تووندتیژیێ ددهت ل ژێر چهندین بیانوویان.
رهوانگهها عیراقێ بۆ مافێن مرۆڤی دیار ژی كرییه، پهنا برنه بهر سولحێن عهشایری وهسان كرییه قوربانی بێ بهرهڤانیكار بمینت و تاوانبار ژ سزایی دهرباز بن.
ل داوییا راپۆرتێ دا رهوانگههێ چهندین داخوازیێن بلهز ئارستهی حكومهت و پهرلهمانێ عیراقێ كرینه ژوانژی ڤهكرنا پهناگهههكا ب سلامهت بۆ قوربانییان ل تهڤایا پارێزگههان، ئهنجامدانا كهمپینێن نشتیمانی ل دژی تووندتیژیێ، ههمواركرنا ماددێ 41، و لهزكرن د پهسهندكرنا یاسایا تایبهت بهرهنگاربوونا تووندوتیژییا خێزانی.