ناڤەندا نووچەیان – سەما
ل رۆژا سێ شەمبوويێ، 10-2-2026، لیژنەیا پەیوەندیێن دەرڤهيا جڤاتا نوونەرێن ئەمریکا ب ئامادەبوونا ژمارەیەکا بەرپرسێن بهرێ و شارەزایێن ڕهوشا سووریێ و دهڤهرێ ڕوونشتنهك دناڤبهرا کۆنگرێسێ ئەمریکادا ڕێکخست.
د وێ ڕوونشتنێ دا نادین ماینزا، سهرۆكا بهرێ یا كۆمیسۆنا ئهمریكا یا نێڤدهولهتی بۆ ئازادییا ئاینی ئاخڤی و بهحسێ هێزێن دناڤ لهشكهر و هێزێن سووریێ كر و گۆت: “چهكدارێن دناڤ دا كو ڕابردوو دگهل ڕێكخراوا قاعیده ههنه، ئهندامێن وان لۆگۆيێ داعشێ د بهستن و كارێن خراب و دڕنده بهرامبهر كێمينهیان ئهنجام ددهن، د دیتنا من دا هێزێن ئێمناهييێ یێن سووریا كێشهیا ڕأستهقينه نه.”
ئهوێ داكوكیكارا ئازادیێن ئۆلى ئاماژه ب وێ چهندێ ژی كر، دناڤ لهشكهر و هێزێن ئێمناهييێ یێن سووریا دا كهس ههینه كو ئهندام و بهرپرسێن ئهوان گرۆپێن چهكدار بوون یێن پێشتر ل باكورێ سووریێ بوون و ژ ئالیێ وهلاتێ ویلایهتێن ئێكگرتی یێن ئهمریكا ڤه هاتبوونه سزا دان، ئهوژی ب تۆمهتا بازرگانيكرن ب ژن و كچێن كوردێن ئێزدی و پێشلكاریێن جدى دهرههقی مافێ مرۆڤی، لهوران دڤێت گڤاشتن ل ئهحمهد شهرعی بێـتهكرن بۆ دوورخستنا ئهوان كهس و گرۆپێن دناڤ لهشكهر و هێزێن ئێمناهييێ دا.
نادین ماینزا گۆتژی: دڤێـت ڕێككهفتنا دناڤبهرا هێزێن سووریا دیموكرات(ههسهده) و حكومهتا سووریێ بێته بجهئينان و د ڤێ ڕێككهفتنێ دا هێزێن ئیسلامی ل جهێن كێمينهيان دهێلت، لێ هێشتا ڤهنهكێشیاینه و ڤیابه بهری ئیرۆ ل جهێن كێمينهیان نهمابان.
ماینزا ڕاگههاندى ژى دڤێت ئهمریكا ڕێ نهدهت ئهو كهس و گرۆپ دناڤ گوندێن ئێزدیيان دا ل ڕۆژئاڤایێ كوردستانێ بمینن.