ناڤەندا نووچەیان – سەما
سێ شهمبوويێ 5ـی تهباخا 2025، فهرمانگهها پزيشكيا داد ل بهغدايێ د ڕاگههاندنهكێ دا ئاشكراكر، گهڕا ههشتێ يا پشكنينا دى ئێن ئهى بۆ 22 ڕووفاتێن ئێزدى هاته كرن كو ژلايێ داعشێ ڤه هاتبوونه كوشتن، ههموو پشكنين دروست دهركهفتن.
فهرمانگهها پزيشكيا داد ل بهغدايێ ئاماژه ب وێ چهندێ دا، پشتى دهركهفتنا ئهنجامێن پشكنينان، پەیوەندی ب کەسوکارێن قوربانیان كريه و ل چەند ڕۆژێن بێت دێ تەرمان ڕادەست كهن.
ههروهسا پزيشكيا داد، داخوازێ ل کەسوکارێن ئێزدیان يێن وندابووى دكهت، نموونەیێن خوونا ئاماژەپێکرى پێشکێش بکەن بۆ ديتنا ڕووفاتان.
ڕێکخراوا داعش يا تيرۆرستى ل 3ـی تهباخا 2014 هێرش کره سەر باژێرێ شنگالێ و دهڤهرێن دەورووبەر کو پتريا ئاكنجيان ئێزدینه، كۆمكوژكرن و شهش هزار كچ و ژن و زارۆ ك و زهلام ڕهڤاندن، ههتا نوكه پتريا ڕهڤانديان ژلايێ حكومهتا ههرێما كوردستانێ هاتينه ڕزگاركرن و پترى دوو ههزار كهسێن دى بێسهروشوونن.
