ناڤه‌ندا نووچه‌یان – سه‌ما

ل سه‌رۆكاتییا هه‌رێما كوردستانێ، گه‌ڕه‌كا دیتر یا كۆمبوونێن هه‌ڤپشك یێن دناڤبه‌را به‌رپرسێن پله‌ بلند و ژماره‌یه‌كا ده‌مه‌زراوه‌یێن په‌یوه‌ندیدار یێن هه‌رێما كوردستانێ و شانده‌كی دیپلۆماسی و سه‌ربازییێ ئه‌مریكا بۆ گه‌نگه‌شه‌كرنێ ل سه‌ر پرۆسه‌یا چاكسازیێ و ئێكگرتنا هێزێن پێشمه‌رگه‌یی ب ڕێڤه‌چۆ.

د گه‌نگه‌شه‌یێ دا، ب ئاماده‌بوونا جه‌عفه‌ر شێخ مسته‌فا جێگرێ سه‌رۆكێ هه‌رێما كوردستانێ و وێندی گرین، كونسلێ گشتیێ ئه‌مریكا ل هه‌رێما كوردستانێ كۆمبوون ب ڕێڤه‌چۆ، و رژدی ل سه‌ر گرنگییا سه‌رخستنا پرۆسه‌یا چاكسازیییا هێزێن پێشمه‌رگه‌یی كرن و داوی پێشهاتێن پیرۆسێ به‌حسكرن.
هه‌ر د كۆمبوونێ دا، پێنگاڤێن هه‌ڤپشك بۆ بله‌زكرنا پرۆسێ و چاره‌سه‌ركرنا ئاسته‌نگێن كه‌فنه‌ د رێیا پرۆسێ دا دووپاتكرن و ئالۆگۆرییا بیر و بۆچۆنان سه‌باره‌ت ب به‌رفره‌هكرنا هه‌ماهه‌نگیێ و هاریكاریا دناڤبه‌را هه‌ردوو ئالییان هاته‌كرن.