ناڤهندا نووچهيان – سهما
پرۆژهيێ كۆنكريتكرنا جادهيێن ناڤخۆيى ل گوندێن خهتارێ و دۆغاتا، ل سنوورێ ناحيهيا ئهلقوش دهست پێ كر.
ئێريڤان مههدى، ئهنداما جڤاتا پارێزگهها نهينهوا ڕاگههاند، پێخهمهت باشتكرنا ڕهوشا خزمهتگۆزارييان و ئاسانكرنا هاتنوچۆنا وهلاتييان، دهست ب پرۆژهيێ كۆنكريتكرنا جادهيێن ناڤخۆيى ل گوندێن خهتارێ و دۆغاتا هاته كرن.
ئهنداما جڤاتا پارێزگهها نهينهوا دياركر، چهندين ڤهديتن د چارچۆڤێ پلانێن پارێزگهها نهينهوا يێن پاشهرۆژێ دا هاتنه كرن، داكو پرۆژهيێن خزمهتگۆزارى بگههنه ههموو گوند و كۆمهلگههان. ههروهسا دياركر كو ئاستهنگا سهرهكى يا بهردهوامبوونا وان پرۆژان، كێمييا تهرخانكرنا بوودجهيى يه بۆ بجهئينانا پرۆژهيان.
ئهڤه د دهمهكى دا كو ههر دو گوندێن ناڤبرى يێن ئێزدينشين چهندين ساله ژ نهبوونا خزمهتگۆزارييان و ب تايبهت جادهيان دنالن.