سه‌ما
رێڤه‌به‌رێ نڤيسينگه‌ها مادا 140 ل شنگالێ ئاشكراكر، ئه‌نجام دانا سه‌رژمێریا گشتی ل شنگالێ دێ مه‌ترسیان ل دوڤ خۆڤه ئینت.
شه‌مبوويێ 26ى تشرينا ئێكێ 2024ێ، سفيان يوسف، رێڤەبەرێ نڤیسینگەها شنگاڵ یا ده‌ڤه‌رێن کوردستانیێن دەرڤەی ئیدارا هەرێمێ سه‌ما راگه‌هاند، هێشتا شنگال يا وێرانه و پتريا خه‌لكێ وێ ئاواره‌نه و كۆچكرينه ده‌رڤه‌ى وه‌لاتى،له‌وا ئه‌نجامدانا سه‌رژمێریا گشتی ل شنگالێ دێ مه‌ترسیان ل دوڤ خۆڤه ئینت.
رێڤەبەرێ نڤیسینگەها شنگاڵ دبێژت: ئه‌نجامدانا سه‌رژمێریا گشتى ژلایێ ئابووری و كارگێری ڤه دێ نه د به‌رژه‌وه‌ندییا مه دا بت، له‌ورا دبينن سه‌رژمێری ل شنگالێ نه‌ئێته ئه‌نجامدان هه‌تا خه‌لكێ وێ ب ته‌مامى ڤه‌دگه‌رته سه‌ر ده‌ڤه‌رێن خۆڤه.
برياره ل 20/11/2024ێ، حكومه‌تا عيراقێ ده‌ست ب ئه‌نجامدانا سه‌رژمێرییا گشتى بكه‌ت.
عيراقێ نكاريه سەرژمێریا خەلکی پشتی سالا 2003 ئەنجام بدەت، ژبەر چەندین ئەگەران کو پتریا وان یێن گرێدای ب لایەنێن سیاسی ڤەيه، و هەروەسا ناکۆکیێن دەربارەی هەولدانێن پۆلینکرنا عراقیان بۆ پێکهاتەیێن نەتەوەیی و ئایینی د ناڤ سەرژمێریێ دا.