ناڤەندا نووچەیان – سەما
بۆ ساڵا نوو يا خواندنێ، كێميا مامۆستايێن وانهبێژ و ميلاكى و ئاڤاهيێن قوتابخانهيان بۆ پهروهردا شنگال يا خواندنا زمانێ كوردى بوويه ئاريشه.
مهيسهر حهجى، ڕێڤهبهرێ پهروهردا شنگال يا خواندنا زمانێ كوردى، ئيڕۆ 28ى تهباخا 2025، بۆ سهما ڕاگههاند: ل سنوورێ پهروهردا شنگال 109قوتابخانهيێن خواندنا زمانێ كوردى ههنه، ژوانژى 74 قوتابخانه ل شنگالێ نه.
دهربارهى بهرههڤيێن ساڵا نوو يا خواندنێ ئاشكراكر: دنوكه دهست ب بهرههڤيان بۆ ساڵا نوو يا خواندنێ دكهين، لێ كێشهيا سهرهكى كێميا ميلاكى يه بۆ مه ب تايبهت نهبوونا مامۆستايێن وانهبێژ، لهورا داخوازێ ل وهزارهتا پهروهردهيا حكومهتا ههرێما كوردستانێ دكهين ڤێ كێشهيێ بۆ مه چارهسهر بكهن.
مهيسهر حهجى، گۆتژى: ئاڤاهيێن قوتابخانان دكێمن، ڕهنگه بۆ ساڵا نوو ببنه سێ دهوام ژى، پێدڤيه كهرهڤانێن زێدهتر بۆ پهروهردێ ب تايبهت ل كهمبان بێنه دابينكرن.
ههر ئيڕۆ وەزارەتا پەروەردێ يا حکومەتا هەرێما کوردستانێ ، ڕۆژا دووشەمبوويێ، 1ـی ئەیلوولا 2025، ڕۆژا دەستبكاربوونا ‘موباشەرە’ يا مامۆستایێن ناڤهندێن خواندنێ يێن حکومی دياركر.