ناڤهندا نووچهیان – سهما
ژ پێخمهت هشیاركرنا قوتابیان ل دۆر زیانێن مادێن هشبهر دهزگههێ خێرخوازیێ بارزانی ب ههماههنگی دگهل زانكۆیا پۆلهتهكنیك یا دهۆك، لژێر دروشمێ ههوا نشتیمانی یا بهرهنگاربوونا مادێن هشبهر بۆ سالا 2025-2026 چهندین چالاكییێن هشیاركرنا قوتابییان ل پهیمانگهها تهكنیكی یا شنگالێ ئهنجام ددهن.
ڤیان ئهكرهم مامۆستایا پهیمانگهها شنگال بۆ ناڤهندا نووچهیێن سهما ڕاگههاند: وهكو ئهركهكی نشتیمانی و مرۆڤایهتی و ژ پێخمهت دووركرنا جڤاكی ژ مهترسیێن مادێن هشبهر پهیمانگهها مه ب ههماههنگی دگهل دهزگههێ خێرخوازیێ بارزانی ههتا نهۆ چهندین چالاكی هاتینه ئهنجام و تا داوییا سالێ دێ د بهردهوام بن.
گۆتژی: سهرۆك بارزانی د پهیڤێن خۆدا گۆتییه د نۆكهدا نهبتنێ ب چهكی شهڕ دگهل مه دئێته كرن بهلكو ب چهندین رێكێن دن شهر دگهل مه دئێته كرن ژوانژی مادێن هشبهر، لهوران مه ب فهر زانی ئهم ل دووڤ پهیاما سهرۆك بارزانی بچین و جڤاكێ خۆ ژ مهترسیێن مادێن هشبهر هشیار بكهین.
ڤیان ئهكرهم دیارژی كر: من ب خوه ژی چهندین سمینار د چارچۆڤێ ڤێ ههوێ دا گۆتینه و زێدهتر ژ 500 قوتابیێن پهیمانگهها شنگال یێن دهواما سپێده و ئێڤارییان د پشكدارن.
گۆتژی: ئهڤ ههوا یا سهرتاسهرییه ل ههرێما كوردستانێ و ئارمانج ژی رووبروونا مهترسیێن مادێن هشبهره و ژبهركو قوتابی تهخهكا گرنگ یا جڤاكی نه، ئهڤ ههوا دێ درێژبت ههتا داوییا خواندنا ئهڤساله، لهوران پێـتڤییه خهلكێ خۆ ب پارێزین داكو وهلاتێ مه و جڤاكێ مه یێ پاراستی بت.