ناڤهندا نووچهیان – سهما
شارەزایێن ئهلكترۆنی هۆشداریێ ددهن، پێلهكا نوو یا فێلبازیا ئهلكترۆنی پهیدابوویه كو هژمارێن “Gmail”ی دكهته ئارمانج، و تێدا هاككهر ب رێكا ئێمهیل و نامهیێن ساخته دهستێ خوه دگههیننه كۆدێ نهێنی و داتایێن بكارهێنهری.
هاككهر ب رێكا نامهیهكێ هۆشداریا خوه دهستپێدكهت، وهسان دیاردكهت كو هاك ل سهر هژمارا ته ههیه و (Link)ـهكی ڤرێدكهت و داخواز دكهت بكارهینهر ڤهكهت و كۆدێ خوه یێ نهێنی بنڤیست و ب ڤێ رێكێ داتا دكهفنه بهردهستێ هاككهری.
د هندهك حالهت دا، هێرشبهر داتایێن دزی دگهل ژمارا موبایلێ دكهته ئێك و دووڤدا ب شێوازێ ئهندازیاریا كۆمهلایهتی بكاردئینت بۆ ڤهگوهاستنا وێ ژمارێ بۆ سیمارتهكی نوو كو لژێر كۆنترۆلا وان دایه.
لهوران شارهزایێن ئاسایشا سایبهر داخوازێ دكهن ب زووترین دهم كۆدێ هژمارا خوه یا گۆگلی بگهۆرن و ب رێكا ئهپلیكهیشنێن (Authentication apps) ڤهكۆلینێ یان كلیلێن ئاسایشێ بهێنه كارا كرن نهكو ب رێكا نامهیێن موبایلێ (SMS)، ههروهسان داخوازێ دكهت ژمارا موبایلێ ب رێكا كۆمپانیێن پهیوهندیدار د پاراستی بن و ئاگههدارییا چۆنا ژۆر بهێته كارا كرن داكو چالاكیێن ب گۆمان بهێنه كۆنترۆل كرن.