ناڤەندا نووچەیان – سەما
وه‌زيرێ كاروبارێن جڤاكى يێ عيراقێ نووترين زانيارييان ل دۆر قوتكرنا مووچه‌يێ چاڤدێريا جڤاكى يێ ئاواره‌يێن شنگالێ ئاشكرا دكه‌ت.
دڤى وارى دا، نڤيسينگه‌ها په‌رله‌مانتار ڤيان ده‌خيل، ئه‌نداما په‌رله‌مانێ عيراقێ راگه‌هاند، گه‌له‌ك ژ ئاواره‌يێن شنگالێ ئه‌م ئاگه‌هداركرينه كو هه‌ر ئێكى كارتا نشتيمانى ده‌رنه‌ئێخت، مووچه‌يێ وى يێ چاڤدێريا جڤاكى ل ئێكى ئادارا ئيساله دا دێ ئێته برين.
هه‌روه‌سا دياركريه، ل سه‌ر ڤێ كێشه‌يێ په‌رله‌مانتارێ په‌يوه‌ندى ب ئه‌حمه‌د ئه‌لئه‌سه‌دى، وه‌زيرێ كاروبارێن جڤاكى يێ عيراقێ كريه و ئاگه‌هداركريه كو ژماره‌كا مه‌زن يا خه‌لكێ شنگالێ هێشتا كارتا نشتيمانى نينه.
ئه‌و چه‌نده ژى رونكريه، وه‌زيرێ كاروبارێن جڤاكى دوپاتكر كو مووچه‌يێ چاڤدێريا جڤاكى يێ خه‌لكێ شنگالێ نائێته قوتكرن.