ناڤهندا نووچهيان – سهما
لژێر چاڤدێرييا د. عهلى تهتهر، پارێزگارێ دهۆكێ پرۆژێ وهرگرێ ئاڤا خانكێ دێ ئێته ڤهكرن و كهڤته د خزمهتا خهلكێ دهڤهرێ دا.
رێڤهبهرييا ئاڤا دهوروبهرێن پارێزگهها دهۆكێ دياركر، سبهى 15-6-2026، لژێر چاڤدێرييا د. عهلى تهتهر، پارێزگارێ دهۆكێ و د ڕێوڕهسمهكێ دا پرۆژێ وهرگرێ ئاڤا خانكێ دێ ئێته ڤهكرن.
پرۆژهيێ ستراتيژى يێ ئاڤا خانكێ دێ کێشهيا کێم ئاڤییێ ل دەڤەرێ بنبڕ کەت و د قۆناغا داهاتی دا دێ ئاڤا پاقژ بۆ چەند ناحیە و قەزایێن دی یێن دەوروبەر دابین کەت.
پڕۆژه ل سەر بەنداڤا مووسل هاتیە بجهئینان، ب ڕێژا 100% کارێن وێ ب داوی هاتینە و کەڤتیە د بنەجهکرنێ دا.
ههروهسا پرۆژهيى شیان هەنە د هەر دەمژمێرەکێ دا سێ ههزار و 400 مەتڕێن سێجا یێن ئاڤا پاقژ و ساخلەم بەرهەم بینت.
ناحيهيا خانكێ سەر ب قەزا سێمێلێ ڤە ل پارێزگەها دهۆکێ، دکەڤتە باشوورێ ڕۆژئاڤایێ سەنتەرێ باژێرێ دهۆکێ ب دووراتییا نێزیکێ 20 کیلۆمەتران و بتريا ئاكنجييێن وێ ئێزدينشينن.