سەرۆكێ هەرێما كوردستانێ ب هه‌لكه‌فتا هاتنا (جه‌ژنا ڕۆژى يێن ئێزى) پەیامه‌كا پیرۆزباهيێ ئاراستەی ئێزدیان كر و هیڤییا جه‌ژنه‌كا خۆش و بێهنڤه‌دانه‌كا ئارام و ته‌نا بۆ هه‌موويان خواست.
نێچیرڤان بارزانی سەرۆكی هەرێما كوردستانێ راگەهاند:” هەرێما كوردستانێ ل سه‌ر بزاڤێن خۆ دێ بەردەوام بتبۆ باشترکرنا ڕه‌وشا ژیانا وان و ئاڤه‌دانکرنا زێده‌تر يا ده‌ڤه‌رێن ئێزدییان”.
دەقێ پەیاما پیرۆزباهييا نێچیرڤان بارزانی سەرۆكێ هەرێما كوردستانێ ب هه‌لكه‌فتا (جه‌ژنا ڕۆژى يێن ئێزى):-
جه‌ژنا ڕۆژى يێن ئێزى ب گه‌رمى ل ڕێزداران میر و جڤاتا ڕووحانی و ته‌ڤایا خوشك و برايێن مه یێن ئێزدى ل كوردستانێ، عيراقێ و ل هه‌ر جهه‌کێ بن، پیرۆز دکه‌م. هیڤییا جه‌ژنه‌كا خۆش و بێهنڤه‌دانه‌كا ئارام و ته‌نا بۆ هه‌میا دخوازم.
خوشك و برايێن مه يێن ئێزدى پشتڕاست دکه‌ین کو کوردستان دێ هه‌ر مینیت وه‌لاتێ پێکڤه‌ژیانێ بۆ هه‌می پێکهاته‌یان و دێ هه‌ر پشته‌ڤان و پارێزڤانێن ماف و داخوازێن وان یێن ڕه‌وا بين، هه‌روه‌سا دێ هاریکار بین بۆ باشترکرنا ڕه‌وشا ژیانا وان و ئاڤه‌دانکرنا ده‌ڤه‌رێن وان.
جه‌ژن ل هه‌میا پيرۆز بيت، هه‌ر سال ب خێر و خۆشى.
نێچیرڤان بارزانی
سه‌رۆکێ هه‌رێما کوردستانێ
19/12/2024