ناڤه‌ندا نووچه‌يان – سه‌ما
مير حازم تەحسین بەگ، میرێ ئێزدیيان راگه‌هاند، پارتی دیموکراتی کوردستان هه‌رده‌م ڕژدە ل سەر پشتەڤانیکرنا هەموو پێکهاتەیێن دەڤەرێ، و ب جدی کار دکەت بۆ ب دەستڤەئینانا به‌رقه‌رارى و ئارامييێ.
ئيرۆ چارشه‌مبێ، 21ـى چريا ئێكێ 2026، مير حازم تەحسین بەگ، میرێ ئێزدیيان ل كوردستان، عێراقێ، جیهانێ و سەرۆکێ جڤاتا ڕۆحانی یا بلند يا ئێزدیيان، سه‌ره‌دانا باره‌گه‌هێ لقێ 17 يێ ديموكراتى كوردستان ل قه‌زا سێمێلێ کر و ژ ئالييێ نازم هه‌ركى، به‌رپرسێ لقێ و ئه‌ندامان ڤه ب گه‌رمى هاته پێشوازى كرن.
د ديدارێ دا، ميرێ ئێزدييان دوپاتى ل سه‌ر پێكۆل و خزمه‌تێن بتر بۆ خزمه‌تكرنا خه‌لكێ شنگالێ كر و دياركر پێدڤييه ئه‌م هه‌موو پێكڤه كار بكه‌ين بۆ ئاڤه‌دانكرنا شنگالێ.
ميرى ئاماژه ب وێ چه‌ندێ دا، پارتی دیموکراتی کوردستان هه‌رده‌م ڕژدە ل سەر پشتەڤانیکرنا هەموو پێکهاتەیێن دەڤەرێ.
هه‌روه‌سا ميرێ ئێزدييان سوپاسييا لقێ 17 كر بۆ كار و خزمه‌تا وان يا به‌رده‌وام بۆ خه‌لكێ شنگالێ و رۆژئاڤايێ نه‌ينه‌وا ب گشتى.