پشتهڤانهك سلاڤا نازییان دكهت و ریال مەدرید ب توندی هاتە سەرخهتێ
ناڤهندا نووچهیان – سهما
ل یاریا دناڤبهرا ههردوو یانهیێن ریال مهدرید و و بێنفیکا لە سانتیاگۆ بێرنابیۆ، پشتهڤانهك د بهخشێ راستهوخۆ یێ تهلهفزیونی دا دیار دبت و ب شێوازێ نازییان سلاڤێ دكهت و ریال مهدرید ژی بلهز داخوازا دهرخستنا وی ژ یاریگههێ كر.
بهری دهستپێكرنا یاریێ ب چهند خۆلهكان، ل ناڤچهیا گرادان یا یاریگههێ كهسهك رابوو سهر پێیان و ب شێوازی نازییان سلاڤكر و ئهو د دیمهنێن ئێكسهر یێن تهلهفزیونان دا دهركهفت و كارڤهدانێن مهزن ل دووڤ خۆ ئینان.
ل دۆر ڤێ یهكێ ریال مهدریدێ ڕاگههاندنهك بهلاڤكر و تێدا نڤیسی بوو، ریال مهدرید رادگههینت بلهز داخوازێ ژ لیژنا رێككارێن یانهیا خوه دكهین ب زووترین دهم ب رێكا كامیران جهێ وی پشتهڤانی د یاریگههێ دا ئاشكهرا بكهن كو بهری چهند وهختهكی كێم بهری یاریێ سلاڤا نازییان كرییه.
ڕاگههاندنێ ئاماژه كرییه، ئهو پشتهڤانه ب زووترین دهم ژ ئالیێ كارمهندێن ئاسایشا یاریگههێ ڤه هاتیه ناسین و ژ یاریگههێ هاتیه دهرخستن.
ل داوییا ڕاگههاندنێ ئاشكهراكرییه، ههر رهفتارهكا وهسان شهرمهزار دكهین و ژبهركو دهربڕینێن ب ڤی شێوازی دبنه ئهگهرێ كهرب و كین و توندونیژیێ دناڤ جیهانا وهرزشی و جڤاكی دا.