ناڤەندا نووچەیان – سەما
هێشتا ئايينێ ئێزديان ب فه‌رمى د ده‌ستوورێ وه‌لاتێ توركيا دا نه‌هاتيه قه‌بوولكرن و ناساندن.
چالاكڤانێ ئێزدى نه‌ديم ئه‌ركيش، ئيرۆ 24ى شوباتا 2025ێ، بۆ سه‌ما گۆت: دڤێت توركيا دەستووريێ بدە کو “ئێزدی” د بەشا ئۆلا بەلگەیێن ناسنامەیێ دە وەرە نڤیساندن، یانكو ناسنامەیا ئێزدیان ب فەرمی ناس بکەن.
نه‌ديم ئه‌ركيش، ئاماژه ب وێ چه‌ندێ دا، حكومه‌تا توركيا قه‌بوول ناكه‌ت ئۆلا ئێزديان ل وى وه‌لاتى بێته ناساندن، چه‌ندين جاران مه داخوازكريه به‌لێ بێ ئه‌نجام بوويه.
ئێزدی ل تورکیا کێمينه‌يه‌كا ئایینی و ئەتنیکی یا گرنگن، بەلێ ژمارا وان د چەند دەهـ سالێن بۆریدا گەلەک کێم بوویە، پرانیا ئێزدیێن تورکیا ل باکوورێ کوردستانێ (باشوورێ ڕۆژهەلاتێ تورکیا) ئاکنجی بووينە، ب تایبەتی ل دەڤەرێن مێردین،شیرناخ،باتمان،سێرت ودیاربەکر.
ژمارا ئێزديان ل وى وه‌لاتى به‌ره‌ف كێمبوونێ ڤه چوويه، ژبه‌ر ئه‌گه‌رێن کۆچكرنێ بۆ ئەورۆپا، ب تایبەتی ئەلمانیا، جوداکرن و چەوساندن، کێشەیێن سیاسی و نەئارامی ل دەڤەرێ و گه‌فێن گرۆپێن توندڕەو، نوكه ب تنێ چەند گوندێن كچك ماينە ئێزدی تێدا دژین.