سه‌ما
شاندەکێ کومسیونا بلند یا سەربەخو یا هەلبژارتنێن عیراقێ دەربارەی پرسا هەلبژارتنێن پەرلەمانێ کوردستانێ سەرەدانا سەروکاتیا هەرێما کوردستانێ کر.
ئيرۆ چارشه‌مبوويێ 14ى ته‌باخا 2024ێ، د کۆنگرەیەکێ روژنامەڤانی یێ هەڤپشک دا، دلشاد شەهاب، په‌يڤدارێ سەروکاتیا هەرێما کوردستانێ راگەهاند، کو چ ئاستەنگ بۆ هەلبژارتنێن خۆلا شەشێ یێن پەرلەمانێ کوردستانێ پەیدا نەبوینە و دێ د دەمێ دیارکری دا ئێنە کرن کو 20ێ 10ێ ئيساله هاتیە دیارکرن.
وی دووپاتكر، کو هەموو هاریکاری دێ پێشکێشی کۆميسیونێ ئێنە کرن.
ژ ئالیێ خۆ ڤە، دادوەر عومەر ئەحمەد، سەرۆکێ کۆمسیونا بلند یا سەربەخۆ یا هەلبژارتنێن عیراقێ راگەهاند، کو ماوێ هەفتیەکێ یە ل هەولێرێ نە و دگەل نوینەرێن وەلاتان جڤیاینە و ئامادەباشیا خۆ نیشان داینە بۆ چاڤدێریکرنا پرۆسەیا ب ڕێڤەچوونا هەلبژارتنان و گۆت: “حکومەتا هەرێما کوردستانێ هەموو ئاسانکاری بۆ مە کرینە دا کو هەلبژارتنەکا پاقژ ب ڕێڤەببەین.”