ناڤه‌ندا نووچه‌يان – سه‌ما
شاندەکێ وەلاتێ بریتانیا يێ وه‌به‌رهێنانێ سه‌ره‌دانا ميرێ ئێزديان كر و خۆشحاليا خۆ ده‌ربرين بۆ پێكڤه‌ژيانا هه‌ى ل كوردستانێ.
د ديدارێ دا، مير حازم ته‌حسين به‌گ، ميرێ ئێزديان ل كوردستانێ و جيهانێ و شاندێ وه‌به‌رهێنانێ يێ وەلاتێ بریتانیا، پێكڤه‌ژيانا ئۆل و پێكهاته‌يێن هه‌رێما كوردستانێ به‌حسكرن و دووپاتى ل گيانێ برايه‌تيێ كرن.
پاشان شاندێ ناڤبری سەرەدانا پەرستگەها لالش کر ژبۆ دیتنا دیمەنێن ئایينی ل پەرستگەهێ و بوو جهێ دلخۆشیا وان و پشتەڤانیا خۆ دياركرن، ب تايبه‌ت په‌سنا وان بۆ پيكڤه‌ژيانێ بوو كو نموونه‌كا جوانه ل سه‌ر ئاستێ ڕۆژهه‌لاتا ناڤين.
ئه‌ڤ سه‌ره‌دانا گرنگ بۆ خورتكرنا هه‌ڤكارى بوو دبياڤێ ئابوورى و ڕه‌وشه‌نبيرى دا و بهێزكرن و پێشڤه‌برنا په‌يوه‌نديان بوو دناڤبه‌را هه‌ردوو ئاليان دا.